ბრიტანეთის საზოგადოებრივი მაუწყებელი აღიარებს, რომ 2011 წელს შექმნილ დოკუმენტურ ფილმში დადგმული, ყალბი სცენა გამოიყენეს. ინფორმაციას Independent-ი ავრცელებს. ინდონეზიის პროვინციაში, პაპუაში მცხოვრები კოროვაის ტომის შესახებ მომზადებულ დოკუმენტურ ფილმში ნაჩვენებია, როგორ ცხოვრობენ ადგილობრივები ხეებზე, 30 მეტრის სიმაღლეზე აშენებულ სახლებში.
BBC-ს ცნობით, ამით ფილმის შემქმნელებმა არხის სარედაქციო სტანდარტები უხეშად დაარღვიეს.

დოკუმენტური ფილმი, Human Planet, რომელიც 8 სერიისგან შედგება 2011 წელს გავიდა BBC-ს ეთერში და მისი ავტორი ჯონ ჰარტია.

ფილმის მიზანი მსოფლიოს ყველაზე უცნაურ ადგილებში მცხოვრები ადამიანების შესახებ ისტორიების მოთხრობა იყო.