რესტორანში, სადაც სისხლიანი დაპირისპირება სამი ადამიანის დაჭრით დასრულდა, საგამოძიებო მოქმედებები მთელი ღამის განმავლობაში მიმდინარეობდა. სამი მამაკაცი რესტორანში დაბადების დღეზე სპეციალურად მიწვეულმა მომღერალმა საბა სამუშიამ დაჭრა. იუბილარის მეგობრები მძიმე ჭრილობებით ამ დრომდე კლინიკაში რჩებიან. ერთ-ერთ ახალგაზრდას გადაჭრილი აქვს არტერია, რის გამოც მისი ჯანმრთელობის მდგომარეობა უკიდურესად მძიმეა.