მხოლოდ მიმდინარე წლის პირველ კვარტალში ხელისუფლების კომფორტზე გათვლილი ხელშეკრულებების ჯამური ღირებულება უკვე 130 000 000-ს უახლოვდება. თბილისის თვითმმართველობაში მილიონობით ლარის საწვავს ხარჯავენ; ქუთაისში საბიუჯეტო სახსრებით საქმიან შეხვედრებს აწყობენ, ოღონდ ეს შეხვედრები რესტორნებში იმართება და ათასობით ლარი ჯდება; საკონსტიტუციო სასამართლოს წევრებმა ბიუჯეტის ხარჯზე ავტომობილები განაახლეს და ამაში ასობით ათასი ლარი დახარჯეს. მთავრობის ფუფუნებისთვის გაწეული საბიუჯეტო ხარჯების სია საკმაოდ ვრცელი და ძვირადღირებულია.