ნინო გვენეტაძე პარლამენტში ანგარიშით წარსდგა. ჯერჯერობით უზენაესი სასამართლოს თავმჯდომარეს შეკითხვებზე პასუხი არ გაუცია, თუმცა რუსთავი 2-ის და მოსამართლეების საქმეზე საუბარს პარლამენტის ადამიანის უფლებათა დაცვის კომიტეტზე კამათი მოჰყვა.

„ისევ უზრდელობას მიმართავთ, ყველამ კარგად იცით, რაც ხართ და ვინც ხართ,“- მიმართა სოფიო კილაძემ ნიკა მელიას.

„იმ ხელისუფლების წარმომადგენელი ხართ, ვინც ბედუკაძე გმირად აქცია, რა გაქვთ სალაპარაკო,“- მიმართა ნაციონალური მოძრაობის ერთერთმა ლიდერმა ნიკა მელიამ სოფიო კილაძეს, რაზეც კილაძემ უპასუხა - „ნუ მასწავლით რა უნდა ვთქვა, უზრდელები ხართ“.
ამის შემდეგ უმრავლესობის დეპუტატმა მანდატურის თანამშრომელს მიმართა.

„მანდატურის თანამშრომელს ვთხოვ მიაბრძანონ ბატონი მელია, რა არის, ეს რა ზრდილობაა,“- აღნიშნა სოფიო კილაძემ.