9 სექტემბერს, ხანგრძლივი ლოდინის შემდეგ, Apple-ის ფანებმა გაიხარეს - ამ დღეს ახალი iPhone 6-ის და iPhone 6 Plus-ის პრეზენტაცია შედგა.

18 წლის ჯეკ კუკსი პირველი ავსტრალიელი იყო, რომელმაც ახალი iPhone 6 შეიძინა. მაღაზიის რიგში ღამენათევმა და სანუკვარ სმარტფონთან შეხების მოლოდინით აფორიაქებულმა ბიჭმა ემოციები ვერ მოთოკა და ყუთიდან ამოღებისთანავე ტელეფონი ხელიდან გაუვარდა. iPhone 6-ის ასფალტზე დანარცხებისას ნახევარ ქალაქს, რომელიც შურის თვალებით უყურებდა ჯეკს, მწუხარების შეძახილები აღმოხდა. საბედნიეროდ, iPhone 6 გატეხვას გადაურჩა, ჯეკი კი - ინფარქტს.