საქართველოს ყოფილი პრეზიდენტის, ედუარდ შევარდნაძის ცხედარი სამების საკათედრო ტაძარში გადაასვენეს. ტაძარში სამოქალაქო პანაშვიდიც გაიმართება, მანამდე კი სასულიერო პირები გარდაცვლილის სულის მოსახსენიებელ პანაშვიდს ატარებენ.

სამების საკათედრო ტაძარში ექსპრეზიდენტის ცხედარი 13 ივლისის 15.00 საათამდე იქნება დასვენებული. საქართველოს ყოფილ პრეზიდენტს 13 ივლისს მეუღლის გვერდით, კრწანისის რეზიდენციაში დაკრძალავენ.