აშშ-ი, ტეხასის შტატის ქალაქ ჰიუსტონში ოჯახურ კონფლიქტს 6 ადამიანი ემსხვერპლა. ქალაქის გარეუბანში სპრინგსში, მამაკაცმა ცეცხლსასროლი იარაღით საკუთარი ოჯახის ექვსი წევრი, მათ შორის ოთხი შვილი მოკლა. ბავშვების ასაკი 4-13 წლამდეა. გადარჩა კიდევ ერთი დაჭრილი - ეჭვმიტანილის 15 წლის ქალიშვილი, რომელმაც პოლიციაში დარეკვა მოახერხა და სამართალდამცველები გააფრთხილა, რომ დამნაშავე მისი ბებია-ბაბუის მოკვლას აპირებდა, რომლებიც იმჟამად სახლში არ იმყოფებოდნენ.

დამნაშავემ თავის მოკვლა სცადა, თუმცა პოლიციას სამსაათიანი მოლაპარაკებების შემდეგ ჩაბარდა. როგორც ირკვევა, მკვლელობაში ეჭვმიტანილი მეუღლესთან გაშორებული იყო, ეს უკანასკნელი კი შვილებთან და მშობლებთან ერთად, ყოფილი ქმრისგან შორს ცხოვრობდა.