აღმოსავლეთ მონღოლეთში, ხენტის რეგიონში, მდინარე ონონის ნაპირებთან დელუუნ ბოლდოკში დაიბადა  თემუჩინი, იგივე ჩინგიზ ყაენი. მისმა მამამ, ესუგეიმ თათრებთან ბრძოლაში მოკლა მათი მთავარი თემუჩინ უგე და სახლში დაბრუნებულმა თავის ახალშობილსაც დამარცხებული ბელადის სახელი დაარქვა. მემატიანეთა გადმოცემით თემუჩინს ბავშვობაში ძაღლების ეშინოდა და მტირალა იყო. სიყმაწვილეში თემუჩინი სიღატაკეს და გაჭირვებას განიცდიდა, ის მეზობელ ტომს ჩაუვარდა ტყვედ და 3 წელი მძიმე მონობაში გაატარა.