აზერბაიჯანის პარლამენტმა ახალი კანონპროექტი დაამტკიცა, რომელიც ინტერნეტ სივრცეში პრეზიდენტის მიმართ გამოთქმული შეურაცხყოფისთვის სისხლის სამართლის პასუხისმგებლობას ითვალისწინებს. დოკუმენტის თანახმად, სასჯელი ჯარიმის სახით 500-დან 1000 აზერბაიჯანულ მანათს ან 2 წლამდე გამოსასწორებელ სამუშაოსა და ამავე ვადით თავისუფლების აღკვეთასაც მოიცავს. იგივე ქმედება, ყალბი სახელის, პროფილებისა და ექაუნთების გამოყენებით, დაისჯება 1000-დან 1500-მდე მანათის ოდენობის ჯარიმით ან 3-წლიანი პატიმრობით.