x
image
natia.a
მოსაწავლეებისთვის საზაფხულოდ მიცემულმა დავალებამ სოციალურ წრეში აჟიოტაჟი გამოიწვია
image

იტალიელმა მასწავლებელმა, ჩეზარე კატამ, რომელიც საზღვაო ქალაქის, ფერმოს სკოლაში - Polo Scolastico Paritario Don Bosco-ში ასწავლის, მოსწავლეებს საზაფხულო არდადეგებზე 15 პუნქტიანი დავალება მისცა.

ეს დავალება სოციალურ ქსელშიც მოხვდა და ათობით ათასი მოწონება დაიმსახურა.

image


1. ისეირნეთ დილაობით მარტომ ზღვის სანაპიროზე. უყურეთ, როგორ აციმციმდება მზე წყლის ზედაპირზე და იფიქრეთ იმაზე, რაც ყველაზე მეტად გაბედნიერებთ ამ ცხოვრებაში.

2. ეცადეთ გამოიყენოთ ახალი სიტყვები, რომლებიც ამ წელს ვისწავლეთ. რაც უფრო მეტის თქმას შეძლებთ, მით უფრო საინტერესოდ იფიქრებთ. ხოლო რაც უფრო საინტერესოდ იფიქრებთ, მით მეტად თავისუფალი იქნებით.

3. იკითხეთ! ბევრი, რამდენსაც შეძლებთ. მაგრამ არა იმიტომ, რომ იძულებული ხართ. იკითხეთ, იმიტომ, რომ ზაფხული ოცნებებსა და თავგადასავლებს აღვიძებს, კითხვა კი - გაფრენასავითაა. იკითხეთ, რადგან ეს ამბოხის საუკეთესო ფორმაა (წასაკითხი წიგნის არჩევაში რჩევა თუ დაგჭირდათ, ჩემთან მოდით).

4. თავი აარიდეთ ყველაფერს, რასაც თქვენთვის უარყოფითი ემოციები და სიცარიელის განცდა მოაქვს (საგნებს, სიტუაციებს, ადამიანებს). ეძებეთ შთაგონება და მეგობრები, რომლებსაც ესმით თქვენი და გაფასებენ ისეთს, როგორიც ხართ.

5. თუ დარდიანი და შეშინებული ხართ, არ იღელვოთ: ზაფხულმა, ისევე, როგორც ყველა სასიამოვნო რამემ, შეიძლება სული თავისთავად ააფორიაქოს. აწარმოეთ დღიური, აღწერეთ, როგორ გრძნობთ თავს (სექსტემბერში კი, თუ სურვილი გექნებათ, ერთად წავიკითხოთ).

6. იცეკვეთ და ნურაფრის შეგრცხვებათ. სადაც გსურთ - გინდ საცეკვაო მოედანზე, გინდ სრულიად მარტომ, თქვენსავე საძინებელში. ზაფხული თვითონ ცეკვაა და სულელური იქნებოდა, მასში მონაწილეობას თუ არ მიიღებდით.

7. თუნდაც ერთხელ შეხვდით მზის ამოსვლას. ჩუმად იდექით და ღრმად ისუნთქეთ. დახუჭეთ თვალები და იგრძენით მადლიერება.

8. ხშირად დაკავდით სპორტით.

9. თუ შეხვდით ვინმეს, ვინც ძალიან მოგეწონათ, უთხარით მას ეს რაც შეიძლება ლამაზად და დამაჯერებლად. არ შეგეშინდეთ, რომ ვერ გაგიგებენ. თუ მასთან არაფერი გამოგივათ, ესე იგი ეს თქვენი ბედი არ არის. ხოლო თუ გაგიგებენ და იგივე გრძნობით გიპასუხებენ, ზაფხულს ერთად გაატარებთ და ეს ოქროს დრო იქნება. (წარუმატებლობის შემთხვევაში დაუბრუნდით პუნქტ 8-ს).

10. გადაიკითხეთ ხოლმე ჩვენი გაკვეთილების კონსპექტები: შეადარეთ ის, რასაც ჩვენ ვწერდით იმას, რაც თქვენს ცხოვრებაში ხდება.

11. იყავით ისეთივე ბედნიერი, როგორც მზის შუქი, და ისეთივე თავისუფალი და მოუხელთებელი, როგორიც ზღვაა.

12. ძალიან გთხოვთ, ნურავის გალანძღავთ და შეაგინებთ. იყავით ზრდილობიანები და კეთილნი.

13. უყურეთ კარგ ფილმებს, ღრმა ემოციური დიალოგებით (კარგი იქნება ინგლისურ ენაზე), რათა ერთდროულად გაიუმჯობესოთ ინგლისურის ცოდნა და გრძნობისა და ოცნების უნარიც განივითაროთ. დაე კინო თქვენთვის არ დასრულდეს ფინალურ ტიტრებთან ერთად, განიცადეთ იგი ისევ და ისევ.

14. ზააფხული - მაგიაა. დილის მზის შუქზე და ზაფხულის ცხელ საღამოებზე იოცნებეთ იმაზე, თუ როგორი უნდა იყოს თქვენი ცხოვრება. გააკეთეთ ყველაფერი, რაც შეგიძლიათ, რათა არასოდეს დაყაროთ ფარხმალი ოცნებისკენ მიმავალ გზაზე.

15. იყავით კეთილნი.


ასევე დაგაინტერესებთ:

1. თუ თქვენ ცუდად იტანთ ზაფხულის სიცხეს, ეს აუცილებლად გაითვალისწინეთ!


image


2. 5 კოშმარი, რომელიც ამ ზაფხულში გველის - როგორ გავუმკლავდეთ მათimage


3. რა უპასუხა ქართველმა გამყიდველმა რუს კლიენტს - რას ჰყვებიან რუსულ ინტერნეტსივრცეშიimage


4. როგორ ერთობიან რუსეთის დუმაში - დაუჯერებელი ფოტოები!image


5. როგორ ხდება გოგონების წინადაცვეთა ინდონეზიაში - შოკისმომგვრელი ფოტოებიimage


6. მძინარე გოგონას ამ ფოტომ მსოფლიო შეძრა! - დააკვირდით ხელს...image


7. იცით ვისი ძეგლია ფოტოზე? დარწმუნებული ხართ? - გამოსცადეთ საკუთარი თავი (ტესტი)image

0
180
4-ს მოსწონს
ავტორი:natia.a
natia.a
180
  
კომენტარები არ არის, დაწერეთ პირველი კომენტარი
0 1 0