საზოგადოება ჟან-კლოდ ვან დამი: თუ კაცები კაცებზე, ხოლო ქალები ქალებზე იქორწინებენ, ბავშვები ვეღარ გაჩნდებიან და კაცობრიობა გადაშენდება 2018, 6 ივლისი, 16:12 ცნობილი ბელგიელი მსახიობი ჟან-კლოდ ვან დამი კრიტიკის ქარცეცხლში მოექცა მას შემდეგ, როდესაც გენდერული თანასწორობის მინისტრთან, მარლენ შიაპასთან ერთად On n’est pas couch-ის სტუდიაში იყო სტუმრად. ვან დამმა გადაცემაში განაცხადა, რომ ბავშვების მოვლა და სამზარეულოში ფუსფუსი ქალის საქმეა, მამაკაცმა კი ოჯახი ფინანსურად უნდა უზრუნველყოს. ამის შემდეგ შიაპამ მას ჰკითხა, რას ფიქრობდა ერთი და იმავე სქესის ადამიანების ქორწინებაზე. „კაცის ქორწინება კაცზე? კაცებიც ქორწინდებიან, ქალებიც, ძაღლებიც... ყველა ქორწინდება და ყველა შორდება, “ - იხუმრა მსახიობმა, რასაც სტუდიაში სიცილი მოჰყვა. თუმცა მარლენ შიაპა ამ ფაქტმა გააღეზიანა, მისი თქმით, სექსუალური უმცირესობების შედარება ძაღლებთან არაა ლამაზი. ამის შემდეგ ვან დამმა განმარტება გააკეთა, მან აღნიშნა, რომ ბევრი გეი მეგობარი ჰყავს და დასძინა:" თუ კაცები კაცებზე, ხოლო ქალები ქალებზე იქორწინებენ, ბავშვები ვეღარ გაჩნდებიან და კაცობრიობა გადაშენდება". სოციალურ ქსელებში ვან დამის განცხადებებს ხმაური მოჰყვა, უმეტესობა აკრიტიკებს მსახიობს ლგბტ პირებზე გამოთქმული მოსაზრების გამო, ნაწილი კი მხარს უჭერს. 115 6-ს მოსწონს
|