ბელგიელი მსახიობი და ჰოლივუდის ბრწყინვალე ვარსკვლავი ჟან კლოდ ვან დამი, რომელიც ცნობილი გადაცემის სტუმარი იყო საფრანგეთის გენდერული თანასწორობის მინისტრთან მარლენ შიაპასთან ერთად, ერთმანეთს პირდაპირ ეთერში დაუპირისპირდნენ. გადაცემაში "On n’est pas couch" გენდერული თანასწორობის მინისტრი და ვან დამი სხვა სტუმრებთან ერთად სხვადასხვა საკითხებზე საუბრობდნენ და მათ შორის ფემინიზმზეც.როდესაც მარლენ შიაპამ ცნობილ მსახიობს კითხვა დაუსვა ერთი და იმავე სქესიანთა ქორწინებაზე, მსახიობმა გახუმრება სცადა და უპასუხა: - „კა­ცის ქორ­წი­ნე­ბა კაც­ზე? კა­ცე­ბიც ქორ­წინ­დე­ბი­ან, ქა­ლე­ბიც, ძაღ­ლე­ბიც... ყვე­ლა ქორ­წინ­დე­ბა და ყვე­ლა შორ­დე­ბა“.

აქვე ჟან კლოდ ვან დამმა თამამად განაცხადა, რომ შვილების მოვლა და სამზარეულოში საქმიანობა მხოლოდ და მხოლოდ ქალების საქმეა, ხოლო რაც შეეხება მამაკაცებს, მათ მაქსიმალურად უნდა შეძლონ ოჯახის ფინანსურად უზრუნველყოფა.გენდერული თანასწორობის მინისტრი გაბრაზდა და მსახიობს ბოდიშის მოხდისკენ მოუწოდა, რომ ჰომოსექსუალებს მხარი უნდა დავუჭიროთ და არ დავცინოთ და მით უმეტეს ძაღლებს არ უნდა შევადაროთ; – "ბო­დი­ში, მაგ­რამ ეს სუ­ლაც არ არის სა­სა­ცი­ლო. გეი აღ­ლუ­მი ჩა­ტარ­და, სა­დაც ხალ­ხი სა­კუ­თა­რი უფ­ლე­ბე­ბის დაც­ვას ითხოვ­და. შო­კის­მომ­გვრე­ლია. ადა­მი­ა­ნებს მხო­ლოდ იმი­ტომ სცე­მენ და შე­უ­რა­ცხყო­ფენ, რომ ჰო­მო­სექ­სუ­ა­ლე­ბი არი­ან. მათ მხა­რი უნდა და­ვუ­ჭი­როთ და არ დავ­ცი­ნოთ, ძაღ­ლებს არ უნდა შე­ვა­და­როთ“.მსახიობმა სულაც არ იგრძნო თავი უხერხულად და კვლავ ნაცადი იუმორით შეეცადა დაძაბულობის განმუხტვას სტუდიაში. მან თქვა: - " მე ძალიან ბევრი გეი მეგობარი მყავს და თუ ისინი გადაწყვეტენ ერთმანეთთან დაქორწინებას, ამაში პრობლემას ვერაფერს ვხედავ. თუმცა უნდა გვახსოვდეს, რომ თუ ბიჭები ერთმანეთზე დაქორწინდებიან და გოგონები კი - გოგონებზე, მაშინ როგორ უნდა გავმრავლდეთ?"ორი დღე სრულიად სოციალური მედია მოიცვა ბელგიელი მსახიობის მიერ გაჟღერებულმა სიტყვებმა სტუდიაში და ინტერნეტმომხმარებლების უდიდესი ნაწილი მსახიობს მკაცრად აკრიტიკებს ჰომოფობიური განცხადებების გამო და საკუთარი მოსაზრებების ( მხედველობაში აქვთ ვან დამის მოსაზრება ქალის როლზე შვილებსა და ზოგადად ოჯახზე )ასე თამამად ჩამოყალიბებაში. ასევე მას ბრალს დებენ ჰომოსექსუალების დაცინვასა და სიძულვილში. რაც შეეხება საფრანგეთის გენდერული თანასწორობის მინისტრის მარლენ შიოპას განცხადებას, მომხმარებლების უმეტესობა მის მოსაზრებას იზიარებს.