საზოგადოება რატომ გახდა არაბი ჟურნალისტი იძულებული, ქვეყნიდან გაქცეულიყო 2018, 29 ივნისი, 11:52 საუდის არაბეთში უკმაყოფილება გამოიწვია არაბი ჟურნალისტის რეპორტაჟმა, რომელიც ქალების მიერ ავტომობილის მართვის აკრძალვის მოხსნას შეეხებოდა.
Al Aan TV-ის ტელეწამყვანი შირინ ალ-რიფანი იძულებული გახდა, ქვეყანა დაეტოვებინა "ზედმეტად თამამი ჩაცმულობის გამო". ჟურნალისტს პირდაპირი რეპორტაჟი მიყავდა ქუჩიდან, რომელიც ახალ კანონს -ქალების მიერ ავტომობილის მართვის ნებართვას შეეხებოდა. ქარმა ჟურნალისტს მოსასხამი აუფრიალა, რა დროსაც ახალგაზრდა ქალს შიგნიდან ტოპი და შემოტკეცილი შარვალი გამოუჩნდა. თანამემამულეებმა ჟურნალისტის ჩაცმულობა გარყვნილებად მიიჩნეს, რის შემდეგაც საუდის არაბეთის ტელერადიომაუწყებლობის კომისიამ დაიწყო საქმის შესწავლა. ჟურნალისტი აღარ დაელოდა გამოძიების დასასრულს და ქვეყანა დატოვა. 150 5-ს მოსწონს
|