1. მეგობართან ერთად ქუჩაში მიდიხართ, მამაკაცები კი მზერას არ გაცილებენ...

ა) რა თქმა უნდა, მე ყველაზე ლამაზი ვარ - 3

ბ) შეუძლებელია, ორი ეფექტური ქალი ყურადღების გარეშე დარჩეს - 1

გ) შურისგან გულზე სკდებით - მეგობარი ყველამ შენიშნა, თქვენ კი არა - 2

2. თანაკლასელები სკოლის დამთავრებას აღნიშნავთ, წვეულების წინ...

ა) გეშინიათ, რომ ვერავინ გიცნობთ - 1

ბ) გიხარიათ, რადგან შესაძლებლობა გეძლევათ, ყველა გააოცოთ -3

გ)მოუთმენლად ელით, რას გეტყვიან დიდი ხნის უნახავი მეგობრები- 2

3. თანამშრომელი ტელეფონით საუბრობს, თქვენ კი მასთან საქმე გაქვთ:

ა)მოთმინებით ელით, ვიდრე საუბარს დაასრულებს - 3

ბ) მიახვედრებთ, რომ საქმე გაქვთ და დროა, ყურადღება მოგაქციოთ - 3

გ) ბოდიშს მოუხდით, რომ შეაწუხეთ -1

4. აღმოაჩინეთ, რომ თქვენი საყვარელი მამაკაცი (ქალი) არც ისე მდიდარია, როგორც გეგონათ, თქვენი რეაქცია:

ა) არავითარი რეაქცია! მე ადამიანი მიყვარს, ფული კი არა?! - 2

ბ) ნერვიულობთ, რადგან ხვდებით, რომ მისგან ძვირფას საჩუქარს ვერ მიიღებთ - 3

გ) დაამშვიდებთ, რომ ამაზე თავად არ ინერვიულოს - 1

5. მეგობარი ატირებული გიყვებათ, რომ მის ქმარს (ცოლს) საყვარელი ჰყავს...

ა) ანუგეშებთ და სასმელს შესთავაზებთ - 2

ბ) ეუბნებით, რომ მცირე ხნით შეუძლია თქვენთან იცხოვროს - 1

გ) ურჩევთ გაეყაროს - 3

6. როცა მეგობრისთვის საჩუქარს ყიდულობთ:

ა) არჩევთ ყველაზე ძვირფასს - 1

ბ) ყიდულობთ იმას, რაც თავად მოგწონთ - 3

გ) უყიდით იმას, რისი ყიდვაც დიდი ხანია უნდა და არ შეუძლია - 2

7. აღნიშნეთ ის ფრაზები, რომლებიც თქვენს ხასიათთან ახლოსაა:

ა) ყოველთვის ყველაფერი ვიცი ჩემი მეგობრების პირადი ცხოვრების შესახებ - 2

ბ) ვცდილობ, არავინ გაიგოს ჩემი პირადი ამბები - 3

გ) როცა ვინმე წუწუნებს, სასწრაფოდ უყვებით თქვენი პრობლემების შესახებ - 1

დ)თუ სილამაზის სალონში ვერ წახვალთ, საშინლად ღიზიანდებით - 3

ე)მეგობრებს ეხმარებით მხოლოდ იმიტომ, რომ მათგანაც იმავეს ელოდებით - 2

ვ)არავის უნიშნავთ პაემანს ქუჩაში, რატომ უნდა იდგეთ და ელოდოთ? 1

შედეგები:

11 ქულაზე ნაკლები: სხვის უბედურებას ძალიან განიცდით. ზოგჯერ მეტისმეტი მოგდით და საკუთარ პრობლემებს ივიწყებთ. ნუ დაითრგუნავთ თავს. არავის მისცეთ თქვენი გულისხმიერების ბოროტად გამოყენების უფლება.

11-17 ქულა: თქვენი ნდობა შეიძლება. მოსმენის საოცარი ნიჭი გაქვთ. ნუგეშისცემაც არაჩვეულებრივად გეხერხებათ. ისიც იცით, თავად ვის უნდა მიმართოთ პრობლემების დროს. არც პირად ინტერესებზე ამბობთ უარს და რეალურად აფასებთ საკუთარ შესაძლებლობებს.

18 ქულა და მეტი: საკუთარ თავზე ნამდვილად მეტისმეტად ხართ შეყვარებული. შეიძლება სკანდალი მოაწყოთ იმის გამო, რომ თმა სათანადოდ არ შეგჭრეს ან მეგობარმა თქვენთან ერთად გასართობად წამოსვლას ავადმყოფის მონახულება ამჯობინა. თუ ასე გააგრძელებთ, გარშემო მყოფებთან ურთიერთობა ძალიან გაგიჭირდებათ.