რამდენიმე თვეა, რაც გავრცელდა ამბავი, ბევრი ქართველი მაყურებლისა თუ მსმენელის საყვარელი მსახიობი და მომღერალი- გიო ხუციშვილის მძიმე დიაგნოზის შესახებ. მკურნალობას ისრაელში გადიოდა იმ იმედით, რომ ძალიან მალე "ისევ ფეხზე დადგებოდა" და ხელჯოხით გადაადგილება აღარ მოუწევდა, რადგან ვერაგმა დაავადებამ სწორედ ამ ფორმით იჩინა თავი, ფეხები სტკიოდა. როდესაც მეგობარ ექიმთან, აჩიკო სიხარულიძესთან მისულა, სწორედ მისი რჩევით დაუწყია საფუძვლიანი გამოკვლევა. კვლევამ ძალიან ცუდი შედეგები აჩვენა, თუმცა გიო ფარ-ხმალს არ ყრიდა და ჩვეულ რეჟიმში, მკურნალობების შემდგომ თავისუფალ ინტერვალებში, ხშირად მართავდა კონცერტებს სხვადასხვა ქალაქებში.

29 მაისს, მომღერალს, ფილარმონიის დიდ საკონცერტო დარბაზის წინ ვარსკვლავი გაუხსნეს. მან კონცერტიც გამართა და რეპეტიციებს დიდი მონდომებით, მეუღლის- მაიკო ჯორჯაძის აკომპანემენტით გადიოდა. კონცერტზე კი ოცი სიმღერა შეასრულა, მათ შორის დუეტები მეუღლესთან და შვილთან - ზუკა ხუციშვილთან ერთად. კონცერტს უამრავი მაყურებელი და ცნობილი სახეები ესწრებოდნენ, ვარსკვლავი კი საქართველოს ექ­სპრე­მი­ე­რმა, ბიძინა ივანიშვილმა გაუხსნა.

იმ იმედით გაჟღენთილი მომღერალი, რომ "კიბო განაჩენი არ არის" და ძალიან მალე ხელჯოხის გარეშე, ბევრი სიახლით წარდგებოდა საყვარელი აუდიტორიის წინაშე, რამდენიმე წუთის წინ გარდაიცვალა!

P.S. ვუსამძიმრებ მის ოჯახს და სრულიდ საქართველოს!