ამერიკელმა მეცნიერებმა შეძლეს მკერდის კიბოს ტერმინალური(უკანასკნელი) სტადიის დამარცხება, თერაპიის სახით ქალის ორგანიზმში შეიყვანეს 90 მილიარდი იმუნური უჯრედი.იუწყება BBC.

ორი წლის წინ ჯუდი პერკინსს ფლორიდიდან განუცხადეს, რომ სამი თვის სიცოცხლეღა ჰქონდა დარჩენილი, დღეს კი მის ორგანიზმში კიბოს უჯრედების ნასახიც არ არის.

აშშ-ს კიბოს კვლევის ნაციონალური უნივერსიტეტის მეცნიერები აცხადებენ, რომ ეს არის ჯერჯერობით ექპერიმენტი, თუმცა მომავალში შესაძლოა დაინერგოს, როგორც კიბოს განკურნების მეთოდი მთელ მსოფლიოში.

ჯუდის ჰქონდა მკერდის კიბოს ტერმინალური სტადია, რომელიც ისე სწრაფად ვითარდებოდა, რომ სტანდარტული მეთოდით მისი განკურნება ძალიან დაგვიანებული იყო.

ჯუდის სხეულში ჩოგბურთის ბურთის ტოლი სიმსივნე იყო, ხოლო მეტასტაზები მთელ სხეულს იყო მოდებული.

"თერაპიის დაწყებიდან ერთი კვირის შემდეგ მკერდში უკვე ვგრძნობდი, რომ სიმსივნე ზომაში მცირდებოდა, ხოლო ორიოდე კვირაში ის საერთოდ გაქრა"-აცხადებს ჯუდი.

ჯუდი იხსენებს, როდესაც ექიმებმა ტომოგრაფიული სურათი აჩვენეს, ისინი სიხარულისგან ადგილზე ხტუნავდნენ, მაშინ მითხრეს, რომ დიდი ალბათობით მომარჩენდნენ.

დღეს ჯუდი მოგზაურობს, დასეირნობს კაიაკით. ამას წინათ დაასრულა 5 კვირიანი მოგზაურობა ფლორიდაში.

ცოცხალი წამალი

ახალ ტექნოლოგიას ეწოდება "ცოცხალი წამალი". პრეპარატი მზადდება საკუთრივ პაციენტის უჯრედებისგან.

"ჩვენ ვსაუბრობთ პერსონალური ტიპის მკურნალობაზე, რომელიც შეიძლება წარმოიდგინოთ", - ამბობს დოქტორი სტივენ როზენბერგი, უნივერსიტეტის ქირურგიული განყოფილების ხელმძღვანელი.

ტექნოლოგია ჯერ კიდევ ექსპერიმენტულია და სანამ უფრო ფართოდ გამოიყენება, საჭიროა ფართომასშტაბიანი ტესტირება. აი, როგორ მუშაობს ის: პირველ რიგში, მტერი უნდა შევისწავლოთ!

თითოეული პაციენტის სიმსივნე განიხილება გენეტიკურ დონეზე, რათა განისაზღვროს ის მუტაციები, რომლითაც შესაძლებელი იქნება ადამიანის იმუნური სისტემისთვის "ხილული" გახდეს კიბოს უჯრედები.

ჯუდის შემთხვევაში მის სიმსივნეში გამოვლინდა 62 გენეტიკური ანომალია, რომელთაგან მეცნიერებმა ოთხი სიმსივნეზე თავდასხმისთვის გამოიყენეს.

მომდევნო ეტაპი ნადირობაა. პაციენტის იმუნური სისტემა ებრძვის კიბოს, მაგრამ მარცხდება. ამიტომ, ექიმები აანალიზებენ სისხლის თეთრ უჯრედებს(ლეიკოციტებს) პაციენტის სისხლში და განაცალკევებენ იმათ, რომლებსაც შეუძლიათ კიბოსთან ბრძოლა.

ამის შემდეგ შემდეგ ლაბორატორიაში იქმნება აურებელი რაოდენობით მსგავსი თეთრი უჯრედები.

49 წლის ჯუდის სხეულში, დაახლოებით 90 მილიარდი ასეთი უჯრედი შეუშვეს.

"მუტაციითვის, რომელიც კიბოს გამომწვევი მიზეზია, ეს აქილევსის ქუსლი გამოდგა", - აღნიშნა დოქტორმა როზენბერგმა.