ზაზა სარალიძის ადვოკატი ზვიად კუპრავა რუსთავი2-ის ეთერში მის ზონდერობასთან დაკავშირებით გავრცელებულ ბრალდებებს ეხმაურება და ამბობს, რომ 2011 წლის 26 მაისს დარბევის დროს რუსთაველის გამზირზე არ ყოფილა. ამის შესახებ კუპრავას ნიკა გვარამიამ კითხა.

„დარბევის დროს რუსთაველზე საერთოდ არ ვყოფილვარ, მორიგე ვიყავი, ძალიან დაღლილი და ღამენათევს მეძინა. რომ ავრცელებენ კადრებს, თითქოს ვარბევდი. ჩვეულებრივი საპატრულო პოლიციის თანამშრომელი ვიყავი, 2013 წლამდე პატრულში ვმუშაობდი, შემდეგ გამათავისუფლეს. გავასაჩივრე და აღდგენა დაევალათ, თუმცა არ აღმადგინეს, “ - განმარტა კუპრავამ.

ბოლო ხანს სოციალურ ქსელში აქტიურად ვრცელდება ინფორმაცია და კადრები იმის თაობაზე, რომ სარალიძის ოჯახის ახლობელი და მათივე ადვოკატი ზვიად კუპრავა ნაციონალური მოძრაობის ძალოვან უწყებებში მუშაობდა და რუსთაველის გამზირზე მოსახლეობას არბევდა.

.