x
მეტი
  • 28.03.2024
  • სტატია:134040
  • ვიდეო:353919
  • სურათი:508247
''არ არის კარგი, როგორც მოიქეცი'' - გასახდელში რამოსმა რონალდუ გააკრიტიკა

image
ჩემპიონთა ლიგის ფინალში გამარჯვების შემდეგ მადრიდის ''რეალის'' ფეხბურთელმა სერხიო რამოსმა დატუქსა კრიშტიანუ რონალდუ, რადგან პორტუგალიელმა კლუბიდან შესაძლო წასვლაზე ისაუბრა.

ფინალის შემდეგ რონალდუს კომენტარი მედიასთან

''უახლოს დღეებში ჩემს მომავალზე ღიად ვისაუბრებ. მშვენიერი იყო ''სამეფო კლუბში'' თამაში.ახლო მომავალში მადრიდის ''რეალის'' გულშემატკივრებს მივმართავ. ახლა დასვენების დროა, შემდეგ შევუერთდები პორტუგალიის ეროვნულ გუნდს და გავაკეთებ განცხადებას. ''რეალში'' გატარებული პერიოდი შესანიშნავი იყო. ჩვენ შევქმენით ისტორია'' - აღნიშნა პორტუგალიელმა.

ჟურნალისტის კითხვას ''რეალთან'' დაკავშირებით რატომ ისაუბრა წარსულ დროში, რონალდუმ შემდეგი პასუხი გასცდა: '' ვფიქრობ დღეს ეს არ არის მნიშვნელოვანი. გამარჯვებით ვტკბებით და ''რეალის'' ნებისმიერი მოთამაშის მომავალი დღეს უმნიშვნელოა. ვნახოთ რა მოხდება მომავალში.''

გასახდელში რამოსის საუბარი რონალდუსთან

რონალდუს გულწრფელ კომენტარს კრიტიკულად შეხვდა სერხიო რამოსი, რომელსაც რონალდუს უთხრა, რომ ასეთ დროს ამ ტიპის კომენტარი არ უნდა გაეკეთებინა.

''დრო ამ თემაზე სასაუბროდ. შენ ნაბიჯი უნდა გადადგა უკან და ჩვენ შენ დაგეხმარებით. ჩვენ ვართ შენთან ერთად, მაგრამ შენც უნდა დაგვეხმარო'' - Marca-ს ცნობით ასე მიმართა რამოსმა გასახდელში რონალდუს.

image

რონალდუს საუბრის შეცვლილი პათოსი

აღნიშნული საუბრის შემდეგ პორტუგალიელის საუბრის პათოსი მკვეთრად შეიცვალა. მას შემდეგ რაც ''სამეფო კლუბი'' უკრაინის დედაქალაქიდან სამშობლოში დაბრუნდა და ტრიუმფატორებს ათასობით ქომაგი დახვდა, რონალდუმ ასე ისაუბრა: ''ვნახოთ რა მოხდება შემდეგ სეზონში. ''რეალში'' თავს ძალიან კარგად ვგრძნობ. ეს უდიდესი კლუბია. მადრიდში ძალიან კომფორტულად ვარ. ''რეალის'' დღევანდელი ფეხბურთელები ნებისმიერ ბარიერს დაძლევენ გამარჯვების მისაღწევად.''

ესპანური მედიის ცნობით რამოსის სიტყვებმა რონალდუს მედიასთან საუბარზე გავლენა მოახდინა და სუპერვარსკვლავმა განაცხადა, რომ მადრიდულ გრანდში ყოფნა დიდ ბედნიერებას ანიჭებს.

express-ზე რონალდუს ტრანსფერთან დაკავშირებით საინტერესო ინფორმაცია ვრცელდება. აღნიშნული წყაროს ცნობით რონალდუს ყოფილი გუნდი ''მანჩესტერ იუნაიტედი'' მზადაა პორტუგალიელი დაიბრუნოს თუ ესპანური მხარე მოლაპარაკების მაგიდას მიუჯდება.

რონალდუს, რომელიც ფეხბურთის თამაშს 40-წლამდე გეგმავს, MLS-ში და ჩინეთში თამაშის კარგი შესაძლებლობა აქვს, მაგრამ მოთამაშის უახლოს გეგმებში კონტინენტის დატოვება არ შედის.

image

1992 წლიდან მოყოლებული ჩემპიონთა ლიგის გათამაშება იმართება. კიევის ოლიმპიურ სტადიონზე მოპოვებული გამარჯვების შემდეგ რონალდუ გახდა პირველი ფეხბურთელი, რომელმაც ხუთჯერ გაიმარჯვა ჩემპიონთა ლიგის ფინალში. სუპერვარსკვლავმა პირველად ''მანჩესტერ იუნაიტედთან'' ერთად 2008 წელს მოიგო აღნიშნული გათამაშება. 2009 წლიდან მოყოლებული ესპანური გრანდის მაისურით რონალდუმ ევროპის ყველაზე პრესტიჟული საკლუბო ტურნირის ფინალში ოთხჯერ ითამაშა და ყველა შეხვედრა წარმატებით დაასრულა.

image

რონალდუმ ჩემპიონთა ლიგის ისტორიაში 120 გოლი გაიტანა, რაც სარეკორდო მაჩვენებელია

ოქროს ბუცის ოთხგზის გამარჯვებულია ლიონელ მესისთან ერთად

ფიფას ვერსიით მსოფლიოს საუკეთესო ფეხბურთელი ხუთჯერ გახდა, ამდენჯერვე მოიპოვა ეს ტიტული ლიონელ მესიმ

უეფას ეგიდით გამართულ ყველა ტურნირში, როგორც ქალთა და მამაკაც ფეხბურთელებს შორის, ასევე უეფას ეგიდით ჩატარებულ სამოყვარულო გათამაშებებს შორის რონალდუ საუკეთესო ბომბარდირია 157 გოლით.

image

1
345
3-ს მოსწონს
ავტორი:ანანო ლიპარტია
ანანო ლიპარტია
345
  
2018, 6 ივნისი, 12:05
კომენტარი ცარიელია ან წაშლილია

0 1 1