ღამის კლუბებში „ბასიანსა“ და „გალერიში“ ღამის 01:00 საათზე სპეცრაზმი შეიჭრა. ინფორმაციას სოციალურ ქსელში თავად ღამის კლუბების ხელმძღვანელები და თანამშრომლები ავრცელებენ. მათვე გამოაქვეყნეს ფაქტის ამსახველი ფოტოები.

წინასწარი ინფორმაციით სამართალდამცველების კლუბებში შეჭრა ბოლო ხანს ატეხილ ნარკოსკანდალს და ახალგაზრდების გახშირებულ სიკვდილიანობას უკავშირდება.

„SOS. სპეცრაზმია შეჭრილი ბასიანზე, ასევე გალერიში, ალყაშია დინამო. ყველა შიგნით მყოფი გარეთ გამოუშვეს, შიგნით რას იზამენ არავინ იცის. ვისაც შეგიძლიათ მოდით. ომი გამოგვიცხადეს, “ - წერს „ბასიანის“ მფლობელი ნაჯა ორაშვილი.