ცნობილი ამერიკული სააგენტოს, Bloomberg-ის მიმომხილველმა, ილან ლეიკმა მოუწოდა მსოფლიოს რუსეთი მეორეხარსხოვან ქვეყნად მიიჩნიონ.

ილან ლეიკმა რუსეთს მეორეხარისხოვანი უწოდა და მოუწოდა ეს ქვეყანა საერთაშორისო ორგანიზაციებიდან გარიცხონ.

ანალიტიკოსი რუსეთს ადარებს ტერმიტს(მერქნის მავნებელი მწერი), რომელიც "მსხვილ და მცირე ორგანიზაციებს ანადგურებს და მათ დისკრედიტაციას ახდენს."

"თვალყური ადევნეთ თუნდაც გაეროს უშიშროების საბჭოს სხდომას, სადაც რუსეთის ვეტომ სირიის დიქტატორი ქიმიური იარაღის გამოყენების პასუხისგებისგან დაიცვა, ან შეგიძლიათ იხილით "ინტერპოლი", რის მეშვეობითაც რუსეთს ოპოზიციონერების დაკავება სურს.

ამის დასტურად ლეიკს მაგალითად მოჰყავს გაეროს კომისის დასკვნა, რომელიც გვატემალაში უკანონობის წინააღმდეგ ბრძოლას შეეხება.

საუბარია რუსეთიდან გვატემალაში გაქცეულ ბიტკოვების ოჯახზე, სადაც მათ ხანგრძლივი პატიმრობა მიესაჯათ, "საბუთების გაყალბებისთვის".

საქმე ეხება სატყეო კომპანიის მფლობელს, ბიზნესმენს იგორ ბიტკოვს, რომელსაც სამშობლოში დაუსწრებლად ბრალი წაუყენეს ცელულოზა-ქაღალდის კომბინატის განზრახ გაკოტრებაში.

კომისიის ქმედებას ლეიკი უკავშირებს "რუსი ოლიგაქრების ვენდეტას" გამოვლინებას, რომელიც საერთაშორისო ორგანიზაციების მხრიდან უპასუხოდ რჩება.

დასკვნისას Bloomberg-ის მიმომხილველი აღნიშნავს, რომ დასავლეთმა უნდა გააძევოს რუსეთი ყველა კომისიიდან, სამუშაო ჯგუფებიდან და კომიტეტებიდან, რომელიც საერთაშორისო სამართალის მოთხოვნების უზრუნველყოფასთან არის დაკავშირებული. "რუსეთი უნდა განიხილებოდეს, როგორც მეორეხარისხოვანი საერთაშორისო თანამეგობრობის წევრი."

იხილეთ სხვა სიახლეები