გამოვლინდა მსოფლიოს 5 ყველაზე ლამაზი დამწერლობა, რომელთა შორის ქართული დამწერლობა მე-3 ადგილზეა. აღნიშნულ ინფორმაციაზე matadornetwork.com წერს.

"ქართული (საქართველო) - თურქეთსა და რუსეთს შორის, მცირე ტერიტორიაზე არსებულ საქართველოს საკუთარი ენა და დამწერლობა აქვს, რომელთაც რუსეთის მიერ დაბატონება ემუქრებათ. უკანასკნელ საუკუნეში რუსეთის პოლიტიკამ საქართველოს თავდაპირველი ტერიტორიის ნახევარზე მეტის ანექსია მოახდინა. უფრო მეტიც, მუდმივი ზეწოლა მისი ტერიტორიების მისათვისებლად გამოიწვევს იმას, რომ თანდათან უფრო და უფრო ნაკლები კავკასიელი ისაუბრებს ქართულ ენაზე. რუსეთის მიერ საქართველოზე გამავალი ნავთობსადენების დაპატრონების სურვილი ადგილობრივი კულტურის დამოუკიდებლობას უქმნის საფრთხეს, რაც ძალიან სამწუხაროა, რადგან ქართული ანბანი მეტად დახვეწილია, იგი არაბულსაც წააგავს. მისი ბავშვური სიმარტივე მომრგვალებულ ფორმებში აისახება" – ვკითხულობთ სტატიაში.

პირველ, მეორე ადგილზე ბირმანული(მიანმარი) და ცეილონური (შრი ლანკა)

ხოლო მე-4, მე-5 ადგილზე ტაგალური (ფილიპინები) და ჰანაკარაკა (ინდონეზია) დამწერლობები მოხვდნენ.