ოდესმე მიგიქცევიათ ყურადღება თვითმფრინავის სკამების ფერისთვის? ისინი თითქმის ყოველთვის ლურჯია და მხოლოდ გამონაკლის შემთხვევებში შეიძლება იყოს სხვა ფერის. ზოგი ადამიანის აზრით, ეს ფერი ცასთან ასოცირდება, მაგრამ ასეთი მარტივი ახსნა სრულიადაც არაა საკმარისი!

სტატიაში პასუხს გაეცნობით ამ კითხვაზე და სხვა საინტერესო ფაქტებსაც გაიგებთ.

მაშ ასე,

რატომ არის თვითმრინავის სკამები თითქმის ყოველთვის ლურჯი?

პირველად ლურჯი სკამები თვითმფრინავში რამდენიმე ათეული წლის წინ გამოჩნდა და მას შემდეგ დიზაინერებმა ამ ფერზე შეაჩერეს არჩევანი. როგორც ბრიტანელი მეცნიერები ამბობენ, ხალხის უმეტესობა ლურჯ ფერს სიმშვიდესთან და უსაფრთხოებასთან აიგივებს, ეს კი ძალიან მნიშვნელოვანია იმ მგზავრებისთვისაც კი, რომლებსაც აეროფობია არ აწუხებთ. ასევე, კვლევების მიხედვით, ხალხის 90% სამგზავრო თვითმფრინავს კომპანიის არჩევისას დიდ მნიშვნელობას ანიჭებს ბრენდის ფერს.

სხვა მიზეზებიც არსებობს: ამ ფერში ნაკლებად ჩანს ლაქები, ჭუჭყი და მტვერი, ამიტომაც ხშირი გამოყენებისთვის კომპანიისთვის მოსახერხებელია.

საინტერესო ფაქტი: 1970იან და 1980იან წლებში ზოგმა ავიაკომპანიამ სცადა, წითელი სკამები გამოეყენებინა თვითმფრინავში. თუმცა, დადგინდა, რომ წითელმა ფერმა მგზავრებში აგრესიის დონე გაზარდა.

ქსოვილი თუ ტყავი?

თვითმფრინავის სკამები შესაძლოა იყოს ქსოვილის ან ტყავის. ეს დამოკიდებულია იმაზე, ფრენა დიდხნიანია თუ მოკლეხნიანი. თუ თვითმფრინავში მგზავრი რამდენიმე საათის განმავლობაში უნდა იყოს, ასეთი მგზავრობისთვის ქსოვილის სკამია განკუთვნილი, რომ ადამიანმა კომფორტულად დაისვენოს და ძილიც მოახერხოს.

მოკლეხნიანი მგზავრობისთვის კი ტყავის სკამებია იდეალური. ის წყალგამძლეა და სასმლის ლაქასაც კი არ იტოვებს.

რატომ არ არის ფანჯრები სკამებთან?

ოდესმე მჯდარხართ ფანჯარასთან, მაგრამ მაინც ვერაფერი დაგინახავთ ადგილიდან გარეთ? როგორ ფიქრობთ, რატომ?

როგორც აღმოჩნდა, ეს იმიტომ ხდება, რომ ავიაკომპანიები ცდილობენ, თვითმფრინავში მაქსიმალურად მეტი ადგილი დაატიონ. არსებობს წესები, რის მიხედვითაც უნდა განალაგონ სკამები, მაგრამ ამ წესეს არავინ იცავს.

ბედნიერ ფრენას და მოგზაურობას გისურვებთ!