x
მეტი
  • 20.08.2018
  • სტატია:79593
  • ვიდეო:332314
  • სურათი:436826
შობადობის, სიკვდილიანობის, ქორწინებისა და განქორწინების სტატისტიკა 2017 წლისთვის

image

საქართველოს სტატისტიკის ეროვნული სამსახურის (საქსტატის) მონაცემების მიხედვით, შობადობისა და სიკვდილიანობის რიცხობრივი მაჩვენებლები შემცირდა წინა წელთან შედარებით.

საქსტატის მონაცემებით, შობადობის რიცხვმა 2017 წელს 53, 293 შეადგინა, რაც წინა წელთან შედარებით 5.8% -ით შემცირებულია (56, 569). სქესის თანაფარდობა 2017 წელს შეადგენს 107, 9, რაც გულისხმობს, რომ შობადობის სრული მაჩვენებლიდან 53, 293 -დან 27, 658 იყო კაცი და 26, 635 კი ქალი.

ყველაზე მაღალი მაჩვენებელი დაფიქსირდა თბილისში (14, 906), შემდეგ კი იმერეთის რეგიონში (7, 784), ქვემო ქართლი (6, 892) და აჭარა (5, 977), ხოლო ყველაზე დაბალი მაჩვენებელი დაფიქსირდა რაჭა-ლეჩხუმისა და ქვემო სვანეთის რეგიონში (341 დაბადებული).

საქსტატის მონაცემებით 2016 წელთან შედარებით 2017 წელს პირველი მშობიარობების პროცენტული მაჩვენებელი 40, 6% -დან 38, 9% -მდე შემცირდა. შესაბამისად, მესამე და მომდდევნო შვილის შეძენის პროცენტული მაჩვენებლები გაიზარდა 23.3% -დან 22.6% -მდე, ხოლო მეორე ბავშვის შეძენა პრაქტიკულად უცვლელი დარჩა.

გარდა ამისა, 2016 წელთან შედარებით, 2017 წელს 25 წლამდე ასაკის ქალთა მშობიარობა შემცირდა 35, 6% -დან 32.7% -მდე. ხოლო 25-39 წლის ასაკის ქალთა (61.6% -დან 64.6% -მდე) ხოლო 40 წლის ან მეტი ასაკის მქონე ქალბატონების უცვლელი დარჩა.

რაც შეეხება სიკვდილიანობას, 2016 წელთან შედარებით 2017 წელს სიკვდილიანობის მაჩვენებელი 5, 8% -ით შემცირდა. (50, 771-დან 47, 822 -მდე). ყველაზე მეტი გარდაცვალება დაფიქსირდა თბილისში (11, 976), ხოლო ყველაზე დაბალი მაჩვენებელი დაფიქსირდა რაჭა-ლეჩხუმისა და ქვემო სვანეთის რეგიონში (736).

ჩვილ ბავშვთა სიკვდილიანობის რიცხვი 2017 წელს 512 შეადგენდა. შესაბამისად, ჩვილ ბავშვთა სიკვდილიანობის მაჩვენებელი (1000 დაბადებამდე) 9.6 იყო, რაც წინა წელთან შედარებით 0.6% -ით გაიზარდა. 5 წლამდე ასაკის სიკვდილიანობის მაჩვენებელი (1000 დაბადებიდან) პრაქტიკულად უცვლელი დარჩა და 11.1% შეადგინა.

ხოლო ქორწინებასა და განქორწინებასთან დაკავშირებით საქსტატის მონაცემები აჩვენებს, რომ გასულ წელს დარეგისტრირებული იყო 23, 684 „წყვილი“, რაც წინა წელთან შედარებით 5.6% -ით დაკლებულია. ქორწინების საშუალო ასაკი კი შეადგენდა 27, 4 წელს ქალებში, ხოლო მამაკაცებში 30, 2.

განქორწინებების რიცხვმაც დაიკლო 2017 წელს და სულ 10, 222 განქორწინება მოხდა, რაც წინა წელთან შედარებით 7, 2% -ით ნაკლებია.

0
61
შეფასება არ არის
ავტორი:ჩუმარდო
ჩუმარდო
61
  
კომენტარები არ არის, დაწერეთ პირველი კომენტარი
0 1 0