იმისთვის, რომ ვიწრო და გრძელი ოთახი მყუდროდ მოვაწყოთ, მთელი რიგი დიზაინერული ხერხების ცონდაა საჭირო, სწორად უნდა შეარჩიოთ ავეჯი, ფერები და ვიზუალურად შეცვალოთ სივრცის გეომეტრია.

იმისთვის, რომ სივრცე ვიზუალურად გაზარდოთ, მოპირდაპირე კედლები სხვადასხვა ფერით შეღებეთ.

გამოიყენეთ მუქი და ღია ფერების შეხამება ოთახის ფუნქციონალურად დაყოფისთვის

იატაკის საფენისთვის თხელი და მოხატული ფაქტურა შეარჩიეთ. ერთი დიდი ნოხის მაგივრად რამდენიმე პატარა გამოიყენეთ.

ყურადღება მიაქციეთ განათებას. დიდი ჭაღი ვიწრო ოთახისთვის ხშირ შემთხვევაში შეუთავსებელია. ჭერში ჩამონტაჟებული განათება კი ამ მხრივ მომგებიანია.

თუ ოთახი ვიწროსთან ერთად პატარაცაა, გააფორმეთ ღია ფერებში, სივრცის გასაზრდელად.

კარგად გამოიყურება ლამპებიც. მათი დახმარებით დიზაინი უფრო მიმზიდველი ხდება.

ვიწრო კედელი ოთახის ბოლოში შეგიძლიათ ფოტოებით, ფარდით, ნახატებით გააფორმოთ. გააკეთეთ მასზე აქცენტი, რომ გრძელი კედლებიდან მასზე გადავიდეს ყურადღება.

თუ ვიწრო ოთახს ბოლოში პატარა ფანჯარა აქვს, ნუ გამოიყენებთ ფარდებს, უპირატესობა ჟალუზს მიანიჭეთ. ოთახი უფრო ფართო გამოჩნდება.

თუ ფანჯარა დიდი ზომისაა, მაშინ შეგიძლიათ ფარდებიც გამოიყენოთ დეკორის სტილში.

კედლების შეღებვა სხვადასხვა ფერში-ეფექტური ხერხია ოთახის გეომეტრიის შესაცვლელად. ჭერის და კედლების განათება კი საშუალებას მოგცემთ ოთახის სივრცე ზონებად დაყოთ.

შეძლებისდაგვარად გააფართოეთ შესასვლელები, შეცვალეთ მათი კონფიგურაცია. კარგად გამოიყურება თაღები. მრავალდონიანი კონსტრუქციები. მაგალითად, მრავალდონიანი ჭერი ვიზუალურად ცვლის ოთახის გეომეტრიას და გეხმარებათ ოთახის ზონებად დაყოფაშიც.