სიზმარი ამოუხსნელი ფენომენია. ადამიანს ყველა დროში აინტერესებდა, თუ რა იყო იგი, საიდან მოდიოდა ადამიანის გონებაში. მიუხედავად უამრავი დაკვირვების, მოსაზრებისა, თუ ცდებისა სიზმარი მაინც ამოუხსნელ ფენომენად რჩება.

ზოგიერთის აზრით, ნანახ სიზმარს კარგად თუ დავაკვირდებით, შევძლებთ მის გაშიფრვას. ამბობენ, რომ ადამიანის ქვეცნობიერმა ყველაფერი წინასწარ იცის. ხშირად ეს ყველაფერი ჩვენამდე სწორედ, რომ სიზმრის სახით მოდის.

საინტერესოა ძველი ებრაელების შეხედულება სიზმრებთან დაკავშირებით. ძველ ებრაელებს სწამდათ, რომ სიზმრებს ღმერთი უგზავნიდა, რათა ისინი ჭეშმარიტების გზაზე დაეყენებინა.

ზოგიერთის აზრით სიზმარში სერიოზული არაფერია, რადგან შეიძლება ითქვას, რომ ჩვენი გონება აღიქვამს იმას, რაც ხდება მთელი დღის განმავლობაში და სხვა არაფერი.

ზოგიერთი მოაზროვნის შეხედულებით, სიზმარი მომდინარეობს ფსიქიკური აგზნებისგან, აგრეთვე- იმ სულიერი ძალებისგან, რომლებიც მთელი დღის განმავლობა ვერ პოულობენ გამოხატულებას.

ექიმთა უმეტესობა მიიჩნევს, რომ სიზმარს არავითარი ახსნა არ მოეპოვება, რადგან იგი ფიზიოლოგიური პროცესია, რომელსაც თავის ტვინის განსაზღვრული უჯრედებისა და სხვა ორგანოების გაღიზიანება-აგზნება განაპირობებს.

საინტერესოა რას ფიქრობს ზიგმუნდ ფროიდი სიზმრებზე?

მას მიაჩნია, რომ ძილის დროს გამორთულია ცნობიერების ნებითი კონტროლი, ამიტომ სიზმრები საშუალებას გვაძლევს, შევისწავლოთ ადამიანის გაუცნობიერებელი ფსიქიკური გამოვლინებები. კერძოდ, სიზმრებში ვლინდება ფსიქიკის ნევროზული დარღვევები, სიზმრის შინაარსი კი შეესაბამება ადამიანის გაუცნობიერებელ სურვილებს.