შეიარაღებული თავდასხმა "თიბისი ფეის" ინკასატორზე - წაღებულია 200 ათასი ლარი. თავდასმა აბაშაში მამუკა ჩოჩიას ოჯახში მოხდა, სადაც ორი ნიღბიანი მამაკაცი შეიჭრა და სამეგრელოს შვიდი რაიონის სწრაფი გადადის აპარატებიდან ამოღებული თანხა წაიღო.

"რუსთავი2"-ის ინფორმაციით, ფული "თიბისი" ბანკის რეგიონალური მენეჯერის სახლში ინახებოდა. ოჯახში ამბობენ, რომ ინკასატორმა დღის ბოლოს ათობით ათასი ლარის საცავში შეტანა ვერ შეძლო, რადგან უქმე დღეები დაემთხვა და ფული სახლში წაიღო.

"ფული გვინდაო. ჩვენ ყველაფერი ვიცითო და დაიწყეს ოთახში სირბილი.გამოიტანეს, დაჩეხეს, ნაჭრის ჩანთებში იყო ფული მოთავსებული, ჩატენეს ტომრებში, რომ გადიოდნენ, არ იკივლოთო. თქვენთვის უარესიაო, ჩვენ უკან დავბრუნდებით და კარგი რაღაც არ მოხდებაო. გაიტანეს ტომრები, გააღეს კარი, მანქნით ელოდებოდნენ და გავარდნენ." – განაცხადა ლელა ჭანტურიამ "რუსთავი2"-თან საუბარში.