ნებისმიერი აქტივობა, ფიზიკური თუ გონებრივი, ზედმეტი კალორიების დაწვაში გვეხმარება და მნიშვნელობა არა აქვს, სავარჯიშოდ ფიტნეს ცენტრში დადიხართ, იოგით ხართ დაკავებული, თუ დივანზე ხართ წამოწოლილი, წიგნით ხელში. მათთვის, ვისაც წონაში დაკლება უნდათ, მაგრამ არ უყვართ ფიზიკური ვარჯიში და დიეტასაც ვერ იცავენ, არსებობს ზედმეტი კალორიების დაწვის ალტერნატიული საშუალებები:

როგორც გაირკვა, სადილის მომზადებისას, ორგანიზმს, დაახლოებით, 100 კკალ-ის დაწვა შეუძლია, თუ გაზქურასთან დგომისას, ან ბოსტნეულის დაჭრის დროს, სხეულის წონას, მონაცვლეობით, ერთი ფეხიდან მეორეზე გადაიტანთ და ფეხის მონაცვლეობასთან სინქრონში, შეეცდებთ მუცლის კუნთების შეკუმშვას და მოდუნებას (ერთ ფეხზე წონის გადატანისას, მუცელი შეკუმშეთ, როდესაც მუცლის კუნთებს მოადუნებთ, – წონა მეორე ფეხსე გადაიტანეთ. და კიდევ, ცალ ფეხზე დგომა საჭირო არ არის – ორივე ფეხზე იდექით, მაგრამ საყრდენად, ერთი ფეხი გამოიყენეთ).

თუ მაღაზიებში სიარული და სამოსის მიზომება გიყვართ, უნდა იცოდეთ, რომ 40-წუთიანი აქტიური შოპინგი, ზედმეტი 100 კკალ დაწვაში გეხმარებათ. ამის გაკეთება მხოლოდ სავაჭრო ცენტრში კი არა, სახლშიც თავისუფლად შეგიძლიათ.

ერთი საათის მანძილზე, ცხელი (დაახლოებით, 40°С) აბაზანის მიღების შემთხვევაში, კიდევ 100 კკალ დაწვის შანსი გეძლევათ. ასე, რომ, აავსეთ წყალი, ჩაყარეთ ნებისმიერი არომატიზირებული მარილი და დატკბით პასიური გახდომით.

დღეში 3-ჯერ მწვანე ჩაი – კიდევ 100 კკალორიას მოგაცილებთ. ასეთი ეფექტი იმით მიიღწევა, რომ მწვანე ჩაიში შემავალი ფერმენტები ნივთიერებათა ცვლის პროცესს აჩქარებს, ცხიმის დაშლას და ორგანიზმის მიერ სასარგებლო ნივთიერებების სწრაფად ათვისებას უწყობს ხელს.

1 საათის მანძილზე კითხვისას, ორგანიზმი 100 კკალ ენერგიას წვავს. გასახდომად, საკმარისი იქნება, საამისოდ დრო გამონახოთ და 1 სთ-ს მანძილზე, უწყვეტ რეჟიმში იკითხოთ.

თქვენთვის ასევე საინტერესო იქნება:9 პროდუქტი, რომელიც ცხიმს წვავს! ჭარბი წონის მოშორება მარტივად
თუ ჩაი გიყვართ, ეს უნდა იცოდეთ