ყოველთვის ვფიქრობდი, რომ ფიმების ყურება სჯობია სერიალებს, რომლებიც არა და არ მთავრდება. მაგრამ არსებობენ ფილმები, რომლებიც ასევე არ მთავრდება. ასეთი ფილმები დამთავრების შემდეგაც არ მთავრდება ჩვენს ფიქრებში და დიდი ხნის განმავლობაში გრძელდება. შემდეგ დიდი ხანი ვფიქრობთ მათზე და იმ მოვლენებზე, რაც ფილმში მოხდა.

ასეთი დასამახსოვრებეი ფილმები, რა თქმა უნდა, ძალიან ბევრია. სხვადასვა ჟანრის და შინაარსის. თუმცა არსებობს ფილმების გარკვეული ჯგუფი, რომელთა განსაკუთრებულობას შემდეგი ფაქტორი განსაზღვრავს: ამ ფილმების მიმდინარეობისას სიუჟეტის განვითარება მაყურებელს სრულიად სხვა ჰგონია და ფიქრობს, რომ ფინალი წინასწარ იცის, მაგრამ მოულოდნელად ყველაფერი იცვლება და გამაოგნებელ ფინალს ვიღებთ. სწორედ ამიტომ ასეთ ფილმებს მე “ფილმ გამოცანებს" ვუწოდებ.

ასეთები ძირითადა არიან დეტექტიური, მძაფრ-სიუჟეტიანი ჟანრის ფილმები. მძარცველებით, დამნაშავეებით, შურის მაძიებლებით და სხვა მსგავსი პერსონაჟებით.

მინდა წარმოგიდგინოთ რამდენიმე ასეთი ფილმი, რომლებსაც ჩემთვის მოულოდნელი და საოცარი ფინალი ქონდათ.

1. შავი პეპელა - ფილმი რომელიც გალოთებული მწერალის ცხოვრებაზე მოგვითხრობს. ისტორიას თან სდევს მკვლელობები, რომელთა ჩამდენიც მალევე გამოიკვეთება. თუმცა ყველაფრი ისე არაა როგორც ჩვენ გვგონია..

2. ოვერდრაივი - ეს არის ფილმი ორი ძმის შესახებ, რომლებიც ყველაზე მაგრები არიან ძვირფასი ავტომობილების გატაცებაშ. მათ ოცნებები და საქმე აქვთ, რომელიც ისე უნდა გააკეთონ, რომ ფინალით თვითონ კმაყოფილი ჩვენ კი გაკვირვებული და ნასიამოვნები დავრჩეთ.

3. მებრძოლთა კლუბი - ბრედ პიტისა და ედვარდ ნორტონის უმაგრესი ტანდემი. ყველასთვის საყვარელ ფილმში ეს ორი მსახიობი ისე თამაშობენ თითქოს მართლაც ერთი მთლიანნი არიან. არანაირი “ჰეფი ენდი" და ბომბების განაღმვა. ყველაფერს ერთი ადამიანი წყვეტს. თუ ორი??

4. ძარცვის ხელოვნება - როდესაც საქმე ძარცვებზე ან აფიორებზე მიდგება “ფილმი გამოცანაც" უფრო ადვილად გასაკეთებელი ხდება. ეს ფილმიც ძალიან მარტივად გაგაკვირვებთ როცა მის დასკვნით ნაწილში ყველაფერს მიხვდებით..

5. უხილავი სტუმარი - ესპანურ ფილმში სიტუაცია მას შემდეგ იძაბება რაც ერთ-ერთ სასტუმროში მკვლელობა ხდება. ფილმის მიმდინარეობის დროს მეორე და უფრო მნიშვნელოვანი მკვლელობა ვლინდება. ყველაფრის დასასრულს კი, უბრალოდ WOW.. ეს უნდა ნახოთ, მონაყოლი არაფერია ;)

6. ახლა მხედავ? - ამ ფილმის ორივე ნაწილში ილუზიონისტები თავიანთი ოსტატობითა და იუმორით მაყურებელს აოცებენ. ფილმის ფინალით არა მხოლოდ მაყურებელი, თვითონაც გაოცებულები რჩებიან..

7. შესანიშნავი თაღლითები - გარდა იმისა, რომ ნიკოლას ქეიჯის, ისევე როგორც სხვების, სამსახიობო ოსტატობა საოცარია, ეს ფილმი მართლაც გაგაკვირვებთ თავისი ფინალით. ასეთ დასასრულს ნამდვილად ვერ წარმოიდგენთ..

8. სლევინის ბედნიერი რიცხვი - ამ სტატიის დაწერის სურვილი წლების წინ ნანახი, ამ შესანიშნავი ფილმის გამო გამიჩნდა. საოცარი მსახიობების მიერ შესრულებული, უმაგრესი “ფილმი გამოცანა". სხვას ვერაფერს ვიტყვი, უბრალოდ “როდესაც ყველა მარჯვნვ იყურება შენ კი მარცხნივ მიდიხარ, ეს კანზას სიტის შაფლია".

ამის გარდა აუცილებლად ნახეთ:

მნიშვნელოვანი და დასამახსოვრებელი კადრები ფილმებიდან

ფრაზები ფილმებიდან

ვაჟა-ფშაველასეული საოცარი შედარებები