როგორც მოგეხსენებათ, საკეისრო კვეთა ოპერაციის გზით მშობიარობაა, როცა პატარა დედის მუცელზე არსებული განაკვეთიდან ამოყავთ.

ხელოვნური მშობიარობა საკეისროს მეორე სახელწოდებაა. ასეთი მშობიარობა შეიძლება იყოს გეგმიური ან გაუთვალისწინებელი.ყველაზე ხშირად საკეისრო კვეთა მაშინ ინიშნება, როცა გარკვეული გარემოებების გამო როგორც დედის, ისე ბავშვის სიცოცხლეს საფრთხე ემუქრება. თუმცა, ზოგჯერ თავად ქალების სურვილია, რომ საკეისრო ჩაუტარონ და ამით თავიდან აიცილონ სამშობიარო ტკივილები.

თავად საკეისრო კვეთის შესახებ სხვადასხვა მოსაზრება და შეხედულებაც არსეობობს, უფრო სწორად კი ამ გზით დაბადებულ ბავშვებზე. მოდი, გავარკვიოთ, ამ შეხედულებიდან რომელია მითი და რომელი სინამდვილე:

1. ჰიპერაქტიულობა

ითვლება, რომ საკეისროთი დაბადებული ბავშვები ჰიპერაქტიულობით გამოირჩევიან, თუმცა ეს ასე არ არის. ჰიპერაქტიულობა ჩვენი საუკუნის უბედურებაა. მისი თავიდან არიდება კი სწორი აღზრდითაა შესაძლებელი.

2. გონებრივი განვითარების პრობლემები

საკეისროთი დაბადებული ბავშვები გაჩენისთანავე ხვდებიან პედიატრისა და ნევროპათოლოგის ყურადღების ცენტრში, მაგრამ ნერვიულობად არ ღირს, ეს სტანდარტული პროცედურაა. თუ პატარას განვითარების რაიმე პათოლოგია აღმოაჩნდა, ეს სხვადასხვა ფაქტორების ზემოქმედების შედეგია და არა საკეისრო კვეთის.

3.ფიზიკური განუვითარებლობა

საკეისრო კვეთა ნამდვილად არ გულისხმობს ბავშვის განვითარების სპეციალისტების ჩარევას მის აღზრდაში.სხვადასხვა გართულება შეიძლება გამოიწვიოს ისეთმა ფაქტორებმა, როგორიცაა: სანაყოფე წყლის მოხვედრა სუნთქვის სისტემაში, გვიანი პირველი ამოსუნთქვა ან გართულება ნარკოზის დროს. გართულებების რისკი გაუთვალისწინებელი საკეისროს დროს იმატებს, როცა დედის ორგანიზმი ვერ ასწრებს სათანადოდ მომზადებას. თუმცა ამ შემთხვევაშიც კი, რისკი მხოლოდ იმატებს და 100%-იანი არაა.

4.ხშირი ტირილი

სტრესი, რომელიც მშობიარობითაა გამოწვეული და სხვადასხვა ჰორმონს ააქტიურებს, პატარას ნერვული სისტემის გამაგრებას ახდენს. საკეისროს დროს ეს მომენტი გამორიცხულია. ნერვული სისტემის სხვადასხვა პრობლემები თან ახლავს საკეისროს, მაგრამ აუცილებელ პროგნოზს არ ნიშნავს.

5.რძის ნაკლებობა

საკეისროთი გაჩენილი პატარების თავის ტვინის მდგომარეობა გაჩენიდან მე-9 დღეს ნორმალიზდება. ბავშვები, რომლებიც ბუნებრივი გზით დაიბადნენ, პირველივე დღეს ნორმაში არიან. დედის ლაქტაციაზე კი ანტიბიოტიკები ახდენენ გავლენას, არადა სწორედ დედის რძეა პატარას ჰარმონიული განვითარების გარანტი.