რას უნდა შეეშალა ხელი საუცხოო ფოტოსთვის? რა შეცდომა შეიძლებოდა მომხდარიყო?
თანაც, ფოტოს მსოფლიოს ერთ-ერთი ყველაზე პოპულარული ჟურნალის გარეკანისთვის იღებდნენ.

მოკლედ, ასე თუ ისე, ფოტოგრაფმა სურათების ფოტოშოპით დამუშავებისას დაუშვა ისეთი შეცდომები, რამაც მთელი ინტერნეტსივრცე ამაზე აალაპარაკა.

თავად ვარსკვლავები ხალხის ასეთ გამოხმაურებას ხუმრობით შეხვდნენ.

ახლა თქვენ თვითონ დააკვირდით ფოტოს და სცადეთ ფოტოგრაფის შეცდომების აღმოჩენა.

აი, ესეც Vanity Fair-ის ყდა:

ერთი შეხედვით, ფოტო გლამურულია, მაგრამ რაღაც უცნაური მაინც არის მასში. შეგიძლიათ ამ უცნაურობის აღმოჩენა?

გთავაზობთ რამდენიმე კომენტარს სოციალური ქსელიდან ჟურნალის გარეკანთან დაკავშირებით:

"ვცდილობ, გამოვიცნო, რამდენი ფეხი აქვს რიზ უიზერპუნს; უკვე ხუთი წუთია, ეს კითხვა მაწუხებს".

"როგორ ახერხებს რიზ უიზერპუნსი ერთდროულად ამდენი რამის გაკეთებას? ის თავად ქმნის და თამაშობს ფილმებში, მონაწილეობს სატელევიზიო გადაცემებში, აქვს საკუთარი მოდის ხაზი და Time's Up-ის მოძრაობასაც ეხმარება. როგორ ახერხებს ამ ყველაფერს ერთდროულად?.. ალბათ იმიტომ, რომ მას სამი ფეხი აქვს".

კიდევ ერთი შეცდომა ფოტოზე და კომენტარი:

"მან (ფოტოგრაფმა) ზენდაიას ფეხი წაართვა. სად წავიდა ის"?

რიზ უიზერპუნსმა ამ ფაქტს თვითერზე ხუმრობით გამოეხმაურა:
"როგორც ჩანს, ახლა უკვე ყველამ იცის... სამი ფეხი მაქვს.
ვიმედოვნებ, ეს გავლენას არ იქონიებს თქვენზე და ისევ მიმიღებთ ისეთს, როგორიც ვარ".

თუმცა, ფოტოგრაფს მხოლოდ ეს შეცდომები არ დაუშვია. შეგიძლიათ კიდევ ერთი "ჩავარდნის პოვნა"?

"დაივიწყეთ რიზ უიზერპუნსის სამი ფეხი Vanity Fair-ის გარეკანზე, სხვა ფოტოში ოპრას სამი ხელი აქვს".

ამ თითქოს სცენის მიღმა გადაღებულ კადრში ტომ ჰენკსთან ოპრას მართლაც სამი ხელი აქვს.

"ეს ყველაზე უცნაური ფოტოშოპის ნამუშევარია, რაც კი ოდესმე მინახავს. რამდენი რედაქტორის თვალს გამოეპარა ეს შეცდომა"?

"თუ დღეს სამსახურში მძიმე დღე გაქვთ, უბრალოდ, გახსოვთ, რომ თქვენ არ ხართ ის ადამიანი, ვინც რიზ უიზერპუნსის სამფეხიანი და ოპრას სამხელიანი ფოტოები დააბეჭდინა".

"ოპრას სამი ხელი აქვს, რიზს - სამი ფეხი და ჩვენ მაინც გვიყვარს ისინი ისეთები, როგორებიც არიან. 2018 წელი ჩვენი სხეულის სიყვარულის წელია"!

ამ ფაქტს ოპრაც ხუმრობით გამოეხმაურა, მან რიზს უპასუხა:

"მომწონს შენი მესამე ფეხი. როგორც გავიგე, შენც მოგწონს ჩემი მესამე ხელი".

Vanity Fair-მა სცადა სიტუაციის გამოსწორება:

"კარგი ექსკლუზივი იქნებოდა, რიზ უიზერპუნსს მართლაც 3 ფეხი ჰქონოდა, მაგრამ, სამწუხაროდ, ეს მხოლოდ კაბის ხაზია".

"ხოლო, რაც შეეხება ოპრას, როგორ უნდა გვგონებოდა, რომ ამ ყველაფერს ის მხოლოდ ორი ხელით გაუმკლავდებოდა"?

ფოტო კი თქვენ წინაშეა და თავად შეაფასეთ, ფოტოგრაფმა დაუშვა სამარცხვინო შეცდომა თუ, მართლაც, კაბის ხაზი ჩანს ცუდად.

წყარო: https://www.boredpanda.com/vanity-fair-photoshoot-photoshop-fails/