x
მეტი
  • 29.03.2024
  • სტატია:134040
  • ვიდეო:353919
  • სურათი:508247
საუკეთესო ცომი შემწვარი ღვეზელებისთვის (ამაზე კარგი აღარ არსებობს!)

image

ინგრედიენტები:

საფუარის გასახსნელად:

  • შაქარი — 1 ჩ. კ.
  • წყალი (თბილი) — 50 მლ.
  • მშრალი საფუარი — 1 ჩ. კ. (5 გრ.)

ცომისთვის:

  • თბილი რძე (წყალი ან კეფირი) — 250 მლ.
  • კვერცხის გული — 2 ცალი
  • შაქარი — 2 ჩ. კ.
  • მარილი — 1/2 ჩ. კ.
  • ფქვილი — 500 გრ (შეიძლება, ცოტა მეტი ან ნაკლები)
  • ზეთი — 2 ს. კ. (+ შესაწვავად, საჭიროების მიხედვით)

მომზადება:


I. ჩაყარეთ ჭიქაში საფუარი > შეურიეთ შაქარი, დაასხით წყალი და მოურიეთ > დადგით თბილ ადგილზე, რომ ამოვიდეს.

თუ საფუარი კარგია, 15 წუთში ჭიქა ქაფის ქუდს გაიკეთებს. თუ ასე არ მოხდა, საფიარი უნდა შეცვალოთ! წინააღმდეგ შემთხვევაში, ისეთ შედეგს ვერ მიიღებთ, როგორიც სურათზეა.

II. ღრმა თასში ჩაასხით რძე > დაუმატეთ: შაქარი, მარილი, კვერცხის გული, ზეთი, საფუარი > ყველაფერი კარგად შეურიეთ.

III. ფქვილის 2/3 ჩააცერით თასში და მოზილეთ ცომი > ნენ-ნელა შეაზილეთ დარჩენილი ფქვილი. ცომი რბილი და წებოვანი უნდა იყოს. უმჯობესია ფქვილი ცომს ცოტა მოაკლოთ და უშუალოდ, ღვეზელის ფორმირებისას შეაზილოთ.

IV. ცომი 10 — 15 წთ. უნდა ზილოთ. იქამდე, ვიდრე ხელს თვითონ არ მოსცილდება.

V. თასს კედლებზე ზეთი მოუსვით და მოზელილი ცომი ისე მოათავსეთ > გადააფარეთ სამზარეულოს აპკი და ასაფუებლად, დადგით თბილ ადგილზე.

შენიშვნა: შეგიძლიათ ცომი 1 ღამით მაცივარში შეინახოთ და მეორე დღეს გამოაცხოთ ღვეზელი.

VI. თბილ ადგილზე დადგმიდან, 1, 5 – 2 საათის შემდეგ, ცომი ამოვა და საჭიროა მისი გადაზელვა > ისევ დააფარეთ სამზარეულოს აპკი და როდესაც მეორედ ამოვა, შეგიძლიათ ღვეზლის კეთება დაიწყოთ.

imageთქვენთვის ასევე საინტერესო იქნება:imageფუმფულა, არომატული, ჰაეროვანი და მადისაღმძვრელი ფუნჩულები

საფუარიანი ცომი, რომელიც 15 წუთში მზადდება და მაცივარში ინახება (+ ცომი ტკბილი ცხობისთვის)

ჰაეროვანი ღვეზელი, სხვადასხვა გულსართით

0
1126
9-ს მოსწონს
ავტორი:ლალი ადიკაშვილი
ლალი ადიკაშვილი
Mediator image
1126
  
კომენტარები არ არის, დაწერეთ პირველი კომენტარი
0 1 0