18 საათიანი ოპერაცია წარმატებით დასრულდა. ექიმებმა შეძლეს ადამიანის სხეულის, ძვლის ტვინის, სისხლძარღვებისა და ნერვული დაბოლოებების ერთმანეთთან დაკავშირება. ამ ყველაფრის შესახებ ინფორმაცია ვენის პრესკონფერენციაზე, ტურინის პროფესორმა სერხიო კანავერომ გააჟღერა.

სრული დასკვნა გააკეთა სამედიცინო უნივერსიტეტის პროფესორთა გუნდის ხელმძღვანელმა სიაოპინო რენომ, რომელმაც გასულ წელს წარმატებით ჩაატარა მაიმუნებზე თავის გადანერგვის ოპერაცია.

უნდა დავაზუსტოთ, რომ თავის გადანერგვის წარმატებული ოპერაცია ჩატარდა ადამიანის მკვდარ სხეულზე.

როგორც ცნობილია, სერხიო კანავერომ 2017 წლის დეკემბერში დააანონსა ადამიანის თავის გადანერგვა უკვე ცოცხალ სხეულზე. რუსეთის მოქალაქე ვალერი სპირიდანოვი თანახმაა, მონაწილეობა მიიღოს ამ ფატალურ ექსპერიმენტში ჯანსაღი სხეულის დაუფლების მიზნით. იგი, როგორც ცნობილია განუკურნებელი დაავადებით იტანჯება და სურს, რომ შეეძლოს ჯანმრთელი ადამიანის მსგავსად მოძრაობა. ( შემდეგ უკვე ცნობილი გახდა, რომ მას უარი ეთქვა ამ ოპერაციის ჩატარებაზე, გერმანული საავადმყოფო, ჯერჯერობით არაა თანახმა მსგავს ექსპერიმენტზე)ექსპერიმენტები ჩატარდა თაგვებზე, სადაც თავის გადანერგვის შემდეგ თაგვმა 36 საათი იცოცხლა.