ბაკურიანის საკურორტო ზონა წლევანდელ სეზონს გაძვირებული ფასებით ხვდება. გაზრდილი ტარიფები მოქმედებს როგორც "კოხტა გორას", ისე "დიდველის" მთაზე გონდოლების ბილეთებზე. როგორც დამსვენებლები აღნიშნავენ, წინა სეზონზე ბილეთის ფასი 5 ლარი იყო, ახლა კი საბაგიროთი ერთჯერადი სარგებლობა 7 ლარამდე გაძვირდა. ინფორმაციას ორივე ობიექტის სალაროში ადასტურებენ.

დამსვენებლების უკმაყოფილებას იწვევს კერძო ტაქსების მომსახურების ფასებიც. თუ წინა წლებში ქალაქის ცენტრიდან ორივე სათხილამურო ტრასამდე ტრანსპორტირება 8 ლარი ღირდა, ახლა მძღოლები იგივე მარშრუტში 10 ლარს ითხოვენ და მიზეზად ლარის გაუფასურებასა და საწვავის ფასის ზრდას ასახელებენ.

ფასები გაზრდილია როგორც საოჯახო, ისე სხვა კლასის სასტუმროების ნომრებსა და კვების ობიექტებშიც.