ვფიქრობთ, ეს პოპულარული ესპანური სასმელი "სანგრია" ყველა გურმანს მოეწონება. თქვენ მის მოსამზადებლად რამდენიმე ინგრედიენტი დაგჭირდებათ და მათ შორის წითელი ღვინოც, რომლის შერჩევა ტრადიციულად ჩვენ მოგვანდეთ.

ინგრედიენტები:

• წითელი ღვინო - 1, 2 ლ;
• ფორთოხალი - 2 ცალი;
• ლიმონი - 1 ცალი;
• ფორთოხლის წვენი - 1 ცალი;
• დარიჩინის ჩხირი - 1 ცალი;
• კონიაკი (ან ბრენდი) - 50 მლ;
• გაზიანი ან ჩვეულებრივი, მინერალური წყალი - 200 მლ;
• შაქარი - 5 სკ ან გემოვნებით.

მომზადების წესები: 1. ფორთოხალი და ლიმონი დაჭერით რგოლებად, ჩაყარეთ დოქში, ოდნავ დასრისეთ, ჩაამატეთ შაქარი, 1 ფორთოხლის წვენი, 1 ღერი დარიჩინი (შეგიძლიათ დაამატოთ სეზონური ხილი). დაასხით ღვინო და კონიაკი, დააფარეთ თავი და შედგით მაცივარში მინიმუმ 2 საათი.

2. დრო რომ გავა, ამოიღეთ დარიჩინის ღერი, დაამატეთ წყალი და კარგად აურიეთ. სუფრასთნ მიტანისას ჩაყარეთ ყინულის კუბები.

განაგრძეთ კითხვა