საზოგადოება " ასე მოვდივარ ყოველთვის და სტუდენტები არ მოდიანო, ველოდები საათები და არ ჩანანო.." -მაგისტრანტი ნინო ბერაძე ტრისტან მახაურის შესახებ 2018, 4 იანვარი, 23:50  ივანე ჯავახიშვილის სახელობის თბილის სახელმწიფო უნივერსიტეტის მაგისტრანტი - ნინო ბერაძე ტრისტან მახაურის შესახებ:
"დაახლოებით ორი კვირის წინ უნივერსიტეტში მივედი,
ლექციებს შორის შუალედი მქონდა
და ვიფიქრე წავიკითხავ შუალედში-მეთქი, სანამ ლექცია დაიწყება.
კარი შევაღე და ლექტორი იჯდა, არც ერთი ბავშვი არ იყო
თავისი სტუდენტი ვეგონე და მითხრა შემოდი, შემოდიო.
მე ვუთხარი თქვენი სტუდენტი არ ვარ და იყოს გარეთ დავჯდები-მეთქი,
გარეთ მაგიდასთან დავჯექი და დაახლოებით 40 წუთის შემდეგ გამოვიდა აუდიტორიიდან, სახლში მიდიოდა, სტუდენტები რომ არ მივიდნენ.
რომ დამინახა, მოვიდა და მითხრა,
რატომ არ შემოხვედიო,
მე ვუთხარი აქ ვიმეცადინებდი, პრობლემა არ იყო-მეთქი.
მერე მითხრა
ასე მოვდივარ ყოველთვის და სტუდენტები არ მოდიანო
ველოდები საათები და არ ჩანანო.
ერთი კალონკაზე მუშაობს და მატყუებს ხოლმე მოვალო,
ერთი გოგო იჯდა კიდევ იმ მაგიდასთან და ორივეს ძაან შეგვეცოდა, ვთქვით როგორ შეიძლება ასეო,
ამ გოგომ მკითხა რისი ლექტორიაო,
მე არ ვიცნობდი, პირველად ვნახე
და ვუთხარი არ ვიცი-მეთქი.
მერე ფეისბუქში ვნახე მისი ფოტო, მის ავადმყოფობაზე წერდნენ
და ვიცანი ეს ხომ ის ლექტორი-მეთქი.
და გული ამეწვა ნეტა შევსულიყავი, იქნებ როგორ უნდოდა ლაპარაკი ან ლექციის ჩატარება-მეთქი
ხშირად მახსენდებოდა ამ დღეებში. "
  ვინც არ იცნობდა ბატონ ტრისტანს, მინდა ყველამ იცოდეს, არა მარტო სტუდენტებმა, მეგობრებმა და უნივერსიტეტმა დაკარგა შესანიშნავი ფოლკლორისტი, მეცნიერი და მელექსე, არამედ მთელმა საქართველომ!
ის იყო ცოცხალი ენციკლოპედია და ქართული ფოლკლორის უბადლო მცოდნე!
სიცოცხლეში ვერ ვაფასებთ ადამიანებს, უამრავჯერ თქმულა და დაწერილა ეს, მაგრამ იქნებ კიდევ ერთხელ დავფიქრდეთ ამ ყველაფერზე..
2114 6-ს მოსწონს
|
  |
Intermedia.ge © 2011-2024 წელი
საავტორო უფლებები დაცულია
 |
