კომპანია “მაგთიკომმა” მომხმარებელს საახალწლო „სიურპრიზი“ შესთავაზა და სატარიფო პაკეტი “ზერო პლიუსი” გააძვირა. აბონენტებმა შეტყობინება დღეს მიიღეს.

18 იანვრიდან მაგთის, ბანის და ბალის აბონენტებთან საუბარი წუთი 3 თეთრი ეღირება, ხოლო სხვა ქსელებთან წუთი 10 თეთრი. ზარის წამოწყების ღირებულება კი 12 თეთრი იქნება.

ამ დრომდე “ზერო პლიუსი”-ს პირობების თანახმად, ზარის წამოწყების ღირებულება 10 თეთრია, ხოლო ყოველი 10 წუთის საფასური ასევე 10 თეთრი.

“ზერო პლიუსი”-ს პირვანდელი პაკეტი კი ასეთი იყო: ზარის წამოწყება 10 თეთრი, ხოლო მაგთის, ბანისა და ბალის აბონენტებთან მომდევნო ნახევარი საათი იყო უფასო. სხვა ქსელის აბონენტებთან დარეკვის ტარიფის ღირებულება 1 წუთი 10 თეთრი იყო.