ამ პოსტში მინდა წარმოგიდგინოთ არაჩვეულებრივი რუსი გოგონა, ნატალია ოსმინკო ქალაქ ბელგრადიდან, რომელიც ქმნის უმშვენიერეს ფაიფურის თოჯინებს საკუთარი ხელით. ვინტაჟური სტილი მისი ცხოვრების თანმდევია, მისი ინსპირაციის წყარო და სიყვარული. მას ძალიან უყვარს თოჯინების შექმნის პროცესი, მიუხედავად იმისა, რომ საათებს ანდომებს თითოეული დეტალის შექმნას, ეს ძლიერ სიამოვნებას ანიჭებს. ყველაფერი მისი ხელებითაა შექმნილი, ამიტომ ყველა თოჯინა უნიკალურია და ერთადერთი. ნატალია ამბობს რომ საკუთარი სამუშაოს ყველა ეტაპი დიდ სიამოვნებას ანიჭებს, ძერწვა, თოჯინების სამოსის კერვა და მათთვის ფოტოსესიის მოწყობა ერთნაირად აღაფრთოვანებს შემოქმედს.....