ქართველი ჯაზის მომღერალი თეონა მოსია 12 წელია ავსტრიაში ცხოვრობს და მოღვაწეობს, მის შემოქმედებაში დიდი ნაწილი ეთნო-ჯაზურ კომპოზიციებს ეთმობა.
ჯაზ ვოკალისტი ზუგდიდის მუნიციპალიტეტ სოფელ კახათში დაიბადა და გაიზარდა, ბავშვოდიდან მღერის, უკრავს ბას გიტარასა და ფორტეპიანოზე. მუსიკალური განათლება თეონა მოსიამ ავსტრიაში მიიღო. მან 2014 დაამთავრა "პრაინერის" კონსერვატორიის ჯაზვოკალისტის ფაკულტეტი. მუსიკოსი და ვოკალისტი მეგრულის გარდა, ქართულ, ინგლისურ და გერმანულენოვან სიმღერებს ასრულებს.

"ცნობილია რომ მე "მეგრულ ჯაზს" ვუკრავ, მაგრამ არანაკლებად მნიშვნელოვანი როლი უჭირავს ჩემს პროგრამაში ჯაზის სტანდარტებს, მე მათ გვერდს ვერ ავუვლი.... ჯაზი ჩემშია და მე ეს გვიან აღმოვაჩინე.... ჩემთვის მეგრული ჯაზის შექმნაში ძალიან მნიშვნელოვანი აღმოჩნდა ჯაზის საფუძველი, რომელსაც კონსერვატორიაში სწავლის პერიოდში დავეუფლე, კონცერტს ვმართავ უკვე ერთი წელია გერმანიაში და აღფრთოვანებული ვარ გერმანული პუბლიკით, გერმანიაში უფრო აინტერესებთ ქართული ჯაზი, ვიდრე ავსტრიაში." – განაცხადა მოსიამ ერთთ-ერთ გამოცემასთან.

ბენდი შეიქმნა 2014 წელს, მისი წევრები არიან: ვოკალისტი – თეონა მოსია, პიანისტი ნიკოლას სტანოშევიჩი, კონტრაბასი – ნავით ჯავადი, დრამერი – გერფრიედ კრაინერი.