დედამიწას პოტენციურად საშიში ასტეროიდი 3200 Phaethon-ი უახლოვდება. ამის შესახებ NASA-ს ცენტრი იტყობინება.

ციური სხეული დედამიწას 17 დეკემბერს 10 313 040 კილომეტრზე მოუახლოვდება. თუმცა, მკვლევარების ცნობით, ის დედამიწისთვისთვის საფრთხეს არ წარმოაგდენს.

პოტენციურად საშიშ ასტრონომიულ ობიექტებად მიიჩნევენ ციურ სხეულებს, რომელთა დიამეტრიც 100 მეტრია და დედამიწის ორბიტას 0, 05 ასტრონომიული ერთეულის (დაახლოებით 7 479 894 კილომეტრი) დაშორებით კვეთენ.

3200 Phaethon-ის დიამეტრი 5, 1 კილომეტრია. ის აპოლოს ჯგუფს განეკუთვნება. ასტეროიდს წაგრძელებული ორბიტა აქვს და მზესთან ახლოს მიდის, სწორედ ამის გამო მას კომეტის თვისებები აქვს.