19 წლის ირანელი გოგონა - საჰარ ტაბარი სოციალური ქსელის ნამდვილი სკანდალური აღმოჩენაა. ის თავისი უცნაური და შეიძლება ითქვას არაადამიანური ვიზუალით სულ რამდენიმე დღეში გახდა პოპულარული.

საჰარი მსახიობის- ანჯელინა ჯოლის დიდი გულშემატკივარია. იმისათვის, რომ დამსგავსებოდა თავის კუმირს, გოგონამ 50 პლასტიკური ოპერაცია გაიკეთა და 40 კილო დაიკლო.

შედეგი აშკარად გასაოგნებელია. საზოგადოებამ ის გააკრიტიკა და ზოგმა ის აზრიც კი გააჟღერა, რომ საჰარის გარეგნობა გრიმის შედეგია და არა ქირურგიის.

აღმოჩნდა, რომ ეს სიმართლეა...

Sputnik-თან ინტერვიუში გოგონა გამოტყდა, რომ საზოგადოების ყურადღების მისაქცევად ფოტოშოპს მიმართა და ამით ის ერთობოდა და მეტი არაფერი.

საჰარმა განაცხადა, რომ რინოპლასტიკა და ტუჩის კორექცია ნამდვილად გაიკეთა, მაგრამ შედეგი მშვენიერია და მის სკანდალურ ფოტოებთან არაფერი აქვს საერთო.