გამოჩენილი რუსი მწერლისა და დრამატურგის მიხეილ ბულგაკოვის შვილიშვილი საქართველოში ცხოვრობს.

გთავაზობთ ინტერვიუს თანამედროვე მიხეილ ბულგაკოვთან:

– რა გაკავშირებთ ყველასათვის ცნობილ მიხეილ ბულგაკოვთან?

იგი ჩემი დიდი ბაბუა გახლდათ, მისი მეოთხე თაობა ვარ.

– რამდენი ხანია რაც თბილისში ცხოვრობთ?

დაბადებიდან. მე მეორე თაობა ვარ, რომელიც აქ ცხოვრობს.

– რატომ მაინცდამაინც საქართველო?

ჩემი წინაპრები მეორე მსოფლიო ომის დროს გამოიქცნენ რუსეთის იმპერიიდან და თავი საქართველოს შეაფარეს, ბევრი საცხოვრებელი ადგილი შეიცვალეს, საბოლოოდ მამაჩემი მანგლისში დასახლდა და იქიდან ჩამოვედით თბილისში.

– როგორი ურთიერთობა გაქვთ თქვენს ნათესავებთან?

არანაირი და სურვილიც არ მაქვს მათზე საუბრის, რადგან ძალიან ცივი ხალხია.

– იქცა თუ არა მწერლის სახლი სახლ-მუზეუმად?

იმ სახლში ცხოვრობს მიხეილის შვილიშვილი, რომელიც იშვიათად თანხმდება იმას, რომ ექსკურსიამ მოინახულოს სახლი, როგორც სახლ-მუზეუმად.

– რომელ ნაწარმოებს გამოარჩევდით მისი ნაწარმოებებიდან?

„ოსტატი და მარგარიტა“, რადგან იქ ყველა პერსონაჟს თავისი დანიშნულება აქვს, თითოეული პერსონაჟი ირიბად ასახავს იმ ადამიანებს, რომლრბიც იმ დროინდელ მმართველობაში იყვნენ.

– თქვენ თუ წერთ?

ახლა არა, მაგრამ ბავშვობაში ხშირად ვწერდი, რაც ჩემთვის ძალიან პირადულია და არ მინდა მისი გასაჯაროება.

– თქვენი სახელი და გვარი იწვევს თუ არა ქართველ საზოგადოებაში გაოცებას?

აღშფოთებას ნამდვილად იწვევს და შემდეგ მოდის კომენტარები, ზოგს სჯერა, ზოგსაც არა, ზოგი სამახსოვრო ფოტოს იღებს და ა.შ.

– რით ხართ ამჟამად დაკავებული?

მყავს არაჩვეულებრივი მეუღლე და 7 წლის გოგონა, აგრეთვე, მენეჯერი ვარ თბილისის ერთ-ერთი სასტუმროსი.

– სამომავლოდ თუ გეგმავთ თქვენს ფესვებთან დაბრუნებას?

არანაირად, მე ვარ ქართველი და ჩემი სამშობლოც აქ არის.

– რა გეგმები გაქვთ?

ვაპირებ სკოლის გახსნას, სადაც მსურველები შეისწავლიან სარესტორნო სერვისს.