ნაბეღლავის ახლ ქარხანაში რომ იტყვიან ჩიტიც ვერ შეფრინდება, მაგრამ მე გამიმართლა. სამსახურის გამო პერიოდულად მიწევდა ჩასვლა ქარხნის მშენებლობაზე. ახლა კი ქარხნის გახნის შემდეგ პირველად ვიყავი. მინდა შთაბეჭდილებები გაგიზიაროთ. ნუ დამძრახავთ, ჩემი პაპარაცული ფოტოების ხარისხის გამო.

ახალი ქარხანა ძველი ქარხნიდან ქვემოთ, ფაქტიურად მდინარის კალაპოტში აშენდა. გუბაზოული არტახებით შეკრეს, ახალი ხიდი გაკეთდა და ახლა ქარხანას ორი შესასვლელი აქვს. ტერიტორიაზე მოხვედრა დაცვის გარეშე შეუძლებელია. თანამშრომლებს სპეციალური ელექტრო ბარათები ეძლევათ, რომლის გამოყენებითაც ხვდებიან როგორც შენობაში, ასევე ცალკეულ საამქროებში.

პირველი რაც თვალში მოგხვდებათ, ეს სისუფთავეა. შენობაში შსვლისთანავე სპეციალურ ჯაგრისებიან მოწყობილობაზე უნდა გადაიაროთ, რომელიც ფეხსაცმელებს გაგიწმინდავთ. შემდეგ ხელსაბანის ჯერია.

სასადილო და სამზარეულო

სასადილოსა და დასუფთავების მენეჯერი გალინა ვასილევა ასპინძიდანაა. მისი ფირმა (ანკარა კატერინ გი) ადრე მშენებლებს ემსახურებოდა ახლა უკვე ნაბეღლავის თანამშრომლებს. გუნდში 22 თანამშრომელია. ყოველდღიურად 100 – 120 კაცს ემსახურებიან. კვება სამჯერადია. უნდა ავღნიშნო, რომ საკმაოდ გემრიელი ხალხია და გემრიელ საჭმელებსაც ამზადებენ. შეიძლება დეტალია, მაგრამ მმარხველებისთვის, თუნდაც ერთი კაცი ყოფილიყო, ყოველთვის ჰქონდათ სამარხო კერძი.

გალინა ვასილევა.

საწყობი

10 მეტრის სიმაღლის ქარხნის საწყობი ფართობით ბარსელონას საფეხბურთო მოედანს აღემატება. აქ უზარმაზარ თაროებზე გასაგზავნად გამზადებული პროდუქციაა განლაგებული. საწყობიდან ერთდროულად 4 მანქანის დატვირთვა და გადმოტვირთვაა შესაძლებელი.

ცალკე აღნიშვნის ღირსია აქ მომუშავე ელექტროდამტვირთველის მძღოლები. ისეთი სისწრაფით დააქროლებენ თავიანთ მანქანებს გურული მოჯირითეები გაგახსენდებათ, ამერიკა რომ გააკვირვეს

ჩამოსასხმელი საამქრო

ჩამოსასხმელი საამქრო საწყობის თავზეა და მას ლიფტებით უკავშირდება. აქ თავი საოპერაციოში გეგონებათ. ყველასთვის სავალდებულოა ერთჯერადი ქუდები, შემოსვლის წინ ხელებს სპეციალური ხსნარით იმუშავებენ. ვისაც დანადგარების ხმაური აწუხებს, შეუძლია ყურსაცამელებიც გაიკეთოს. ხსნარიც, ყურსაცმიც და ერთჯერადი ქუდებიც საამქროს შესასვლელ კართანაა.

ტერეზი კალანდაძე

გიორგი ლომთაძე

მალე დანადგარები ამუშავდება

აკუმულატორის გამოცვლა

შეფუთული პროდუქცია ლიფტში შევიდა, აქედან ის საწყობში ჩაეშვება.

აივანი მწეველთათვის

ირმა ყოლბაია აფხაზეთიდან დევნილია. სოფელ ხევში გათხოვდა. მეუღლე უჩა მამალაძეც აქ მუშაობს, ოპერატორია.

ლელა ქორიძე და ნატო კოროშინაძე

ანტონ ბელენკო ლუგანსკიდანაა. საქართველოში დაოჯახდა და წელს ვაჟის მამაც გახდა.

აბიბა შამილოვი საგარეჯოდანაა, სოფელ გომბორიდან. მშენებლობის დაწყებიდან აქაა. მისი ფირმა (სინერგი) უკვე სხვა ობიექტზე გადავიდა. მალე აბიბაც დატოვებს ნაბეღლავს.

იზოლდა კვაჭანტირაძე

ქარხნის ძველ შესასვლელთან, სკვერში, უფასო მინერალური წყალი იყო მსურველთათვის, ზაფხულში დიდი რიგები იდგა. უკვე სკვერის მოწესრიგება დაუწყიათ. წყალი კი ღილაკზე თითის დაჭერით მოდის ორი ონკანიდან.

ეზო

ეზოში შსასვლელი, ავტოსადგომი, ქარხანასთან მისასვლელი ბეტონის საფარითაა დაფარული. ახალი ხიდი ყვავილებითაა შემკული, გაკეთებულია გაზონები და დეკორატიული მცენარეების გამწვანება.

ერთდროულად 4 მანქანის დატვირთვა–გადმოტვირთვა შეიძლება

წყაროსთან

ველოსადგომი ევროპულ სტილში, თუმცა ჯერჯერობით აქაურები ველოსიპედებს არ სწყალობენ. მათ ქარხნის ავტობუსი ემსახურებათ.

ეზოში, მდინარის პირას ადგილი სკებისთვისაც გამოინახა.

სახურავზე

ძველი ქარხნის შენობები

მოგეხსენებათ ადრე ნაბეღლავი კურორტი იყო. აქ მინერალური წყლების აბაზანებსაც ღებულობდნენ, როგორც ამ ფოტოზეა.

დგას საქართველოს პატარა სოფელში ევროპული დონის ქარხანა . . .