რამდენიმე დღის წინ ლეგენდარული დიზაინერი და მსოფლიო მოდის წამყვანი პერსონა აზედინ ალაია - 77 წლის ასაკში გარდაიცვალა.

მას მოდის სამყაროში Cristóbal Balenciaga-ს, Hubert de Givenchy-ს, Yves Saint Laurent-ს გვერდით ამაყად ეჭირა თავი და ქმნიდა საოცრებებს.

აზედინ ალაია დაიბადა და გაიზარდა ტუნისში. სწორედ იქ დაამთავრა ხელოვნებისა და კულტურის სკოლა სკულპტურის განხრით. მომავალი დიზაინერი სკულპტურობას არ აპირებდა. ის უფრო ხელოვნების ისტორიით იყო დაინტერესებული. მაგრამ სწავლების წლებს უშედეგოდ არ ჩაუვლია - ფორმის შეგრძნება გახდა მაესტროს მთავარი კოზირი.

აზედინი ქალურ სილამაზეს აღმერთებდა და შეეძლო ნებისმიერი ფიგურის ქალი ნამდვილ დედოფლად გადაექცია. სწორედ ამიტომ მას უწოდეს - The King of Cling.

მომხმარებლები მის კაბებში ნამდვილ ქანდაკებებს ემსგავსებოდნენ და დიზაინერის თაყვანისმცემელთა რიცხვი სულ უფრო იზრდებოდა.

შავი პანტერა - ალაიას მუზა...

გარდა კაბებისა, დიზაინერის შექმნილი აქსესუარები არანეკლები პოპულარობით სარგებლობს. მათში ერთი შეხედვით იგრძნობა ქალურობა და სექსუალურობა.

ალაია თანდათან კლასიკად იქცა. მას აღარ სურდა ფრანგული მოდის წესებით მოქმედება და1992 წლიდან განცალკევება ამჯობინა. ამის შენდეგ ის მაშინ მართავდა ჩვენებებს, როცა თვლიდა, რომ რაღაც ახალი ქონდა საჩვენებელი მაყურებელთათვის.

ის იყო თავისუფალი ჩარჩოებისგან. ქმნიდა იმას, რასაც თვლიდა საჭიროდ. არ ემორჩილებოდა მოდის სტანდარტებს და ბოლომდე თავისი ხედვა გააჩნდა. ალაიასთვალით დანახული ქალი ყოველთვის და ყველგან იყო ქალური და სექსუალური...