სხვა აფხაზეთის უცნობი განძი 2017, 14 ნოემბერი, 20:28 ჩვენს ქვეყანას უკვე რა ხანია დიდ ტკივილად აქვს დაკარგული ტერიტორიები რომლებიც ოკუპირებულია. აფხაზეთში, შემორჩენილია ის უძველესი კულტურული ძეგლები, რომელთა დავიწყებაც არ შეიძლება.
ამჯერად მოკლედ მიმოვიხილავთ ჩვენს ფასდაუდებელ სიმდიდრეს. ბიჭვინთა უძველესი დროიდან იყო ქრისტიანობის ერთ-ერთი მძლავრი კერა, აუცილებლად უნდა აღვნიშნოთ ანაკოფიის წმინდა სვიმონ კანანელის ეკლესიაც. იგი აგებულია ციხის ტერიტორიაზე.1991 წელს იგი შეაკეთეს, თუმცა მისი გუმბათი არ შეუკეთებიათ. რის გამოც შენობაში წვიმა ჩამოდის და ზიანდება იქ არსებული ფრესკები. ქართული ხუროთმოძღვრების უმნიშვნელოვანესი ძეგლია ბედიის ტაძარი, იგი თარიღდება მე-6, მე-7 საუკუნეებით.ასევე გუდაუთიდან 10 კილომეტრში ვხვდებით დარბაზული ნაგებობის ტაძარს, აილაგა-აბიყუს. ეს სახელწოდება მას მოგვიანებით ეწოდა, აფხაზურად იგი დახლართულ კოშკს ნიშნავს. უნდა ვახსენოთ ლიხნეს ღვთისმშობლის მიძინების ტაძარიც. ოჩამჩირეში გვაქვს მოქვის საკათედრო ტაძარი, რომელიც ქართული კულტურის უძველესი კერა იყო. ასევე ილორის წმინდა გიორგის სახელობის ეკლესია, რომელიც ოჩამჩირეშია. წმინდა იოანე ოქროპირის მონასტერი, მდებარეობს სოხუმის ჩრდილოეთით. აფხაზეთში კიდევ სხვა უამრავი კულტურული ძეგლი გვაქვს, ისინი ჩვენი ქვეყნის საგანძურს წარმოადგენენ, რომლებსაც გაფრთხილება სჭირდებათ. აფხაზეთი სამეგრელოსთან, კახეთთან, სვანეთთან და ჩვენი ქვეყნის დანარჩენ კუთხეებთან ერთად ქმნის ქართულ კულტურას, რომლითაც ქართველი კაცი საუკუნეების მანძილზე იწონებს თავს. 68 2-ს მოსწონს
|