27 ოქტომბერს YouTube-ზე გამოჩნდა ვიდეორგოლი, სათაურით: „ნუ ჩახვალთ საქართველოში!“

მაგრამ ეს არ გეგონოთ ანტიკამპანია, პირიქით, ვიდეოს დაწყებისთანავე თვალს მოგჭრით ჩვენი ქვეყნის ღირსშესანიშნაობები.

რგოლის ავტორია ცნობილი მოგზაური და ბლოგერი, რომელსაც საკუთარ არხზე "Tolt around the world" ატვირთა ეს არაჩვეულებრივი ვიდეო. მას უამრავი გამომწერი ჰყავს და როგორც ჩანს, ასეთ "ანტიკაპმანიას" უკეთებს ქვეყნებს, საქართველო მისთვის რიგით მეათე აღმოჩნდა.

ვიდეოს თან ახლავს ტექსტი, თუ რატომ არ უნდა ჩამოხვიდე საქართველოში, თავად ვიდეო კი საპირისპიროს ამტკიცებს.

აი. რატომ:

• 1. საქართველოში ერთფეროვანი პეიზაჟებია

• 2. საქართველოში არაფრით გამორჩეული პანორამული ხედებია

• 3. საქართველოს ღირსშესანიშნაობები უფერულია და შეუმჩნეველი

• 4. საქართველო ღარიბი ისტორიის ქვეყანაა

• 5. საქართველოში მოსაწყენი, არაფრისმთქმელი ტაძრებია

• 6. საქართველოს არ გააჩნია ეროვნული სამზარეულო…

ესეც ვიდეო:

ალბათ, თქვენც ჩემსავით ისიამოვნებთ და სიამაყით აივსებით!!!

ამ ადამიანმა უდიდესი სამსახური გაგვიწია და აჩვენა მთელს მსოფლიოს ჩვენი ქვეყნის გასაოცარი ბუნება, კულტურული ძეგლები და ტრადიციები.