სანამ სტუდენტები სელფის გადაღებით იყვნენ დაკავებული, მათ უკან მათი მეგობარი მდინარეში დაიხრჩო
ინდოეთში, ბანგალორის ნაციონალურ კოლეჯში მოსწავლე ახალგაზრდების ჯგუფმა პედაგოგებთან ერთად გადაწყვიტა პიკნიკის მოწყობა და საამისოდ აირჩიეს 300 წლის ტაძართან ახლოს მდებარე ტბის სანაპირო.
მართლაც ახალგაზრდებმა ჯერ ტაძარი მოინახულეს მერე კი პიკნიკი გამართეს, პიკნიკის მერე კი ტბაში ბანაობის შემდეგ გადაწყვიტეს რამდენიმე სურათი გადაეღოთ. ასეც მოიქცნენ და სელფის გადაღების დროს არც კი მოუსაკლისებიათ თანაჯგუფელი. სელფის გადაღებისას ისე გადაერთვნენ სურათების გადაღების პროცესით, რომ ვერც კი დაინახეს კადრს უკან თუ როგორ იხრჩობოდა მათი მეგობარი.
" ჩვენ სელფის გადაღების მერე მივბრუნდით გუნდანდჯანეის ტაძარში, მაგრამ არც მაშინ შეგვიმჩნევია ვიშვასი ჩვენთან ერთად, რომ არ იყო"–განაცხადა მოგვიანებით ერთერთმა სტუდენტმა.
ის, რომ ვიშვასი ტბაში დაიხრჩო ცნობილი გახდა მას შემდეგ რაც ერთერთმა სტუდენტმა ფოტოაპარატში დაათვალიერა სურათები, სადაც დაინახა თუ როგორ დაიხრჩო ტბაში ვიშვასი. შემთხვევიდან ერთ საათში მთელი ჯგუფი მივიდა ტბასთან, მაგრამ მათი მეგობარი უკვე გარდაცვლილი იყო.
დაღუპული ახალგაზრდის მშობლები შვილის დაღუპვაში ბრალს დებენ კოლეჯის მასწავლებლებს, რადგან ტბაში ბანაობა აკრძალული იყო, სტუდენტებმა იგნორი გაუკეთეს გამაფრთხილებელ აბრას და ტბაში შევიდნენ საბანაოდ, მასწავლებლებმა კი მათ არ აუკრძალეს ტბაში ჩასვლა.
კოლეჯის ხელმძღვანელობამ დაღუპული ახალგაზრდის მშობლებს პირობა მისცა, რომ დამოუკიდებელ გამოძიებას ჩაატარებს აღნიშნულ ფაქტზე და დამნაშავე საკადრისად დაისჯება კანონის ძალით.
თუმცა 17 წლის ახალგაზრდას ეს უკვე ვეღარ გააცოცხლებს.
ამიხსნის ვინმე, თუ რა ხდება ჩემს გვერდზე? :(