მამაკაცებს შეიძლება მოსწონდეთ სულელი ქალები, მაგრამ ნამდვილად აფასებენ მამაცებს.ამიტომ კაცი თუ მოგეწონათ და თქვენს შორის არსებულ ბარიერებს ვერ ხედავთ, მაშინ ნუ მოგერიდება, რომ მის გასაცნობად პირველი ნაბიჯი თვითონ გადადგათ. ამაში ცუდი არაფერია. უბრალოდ, სულ ცოტა სითამამე ჭირდება. ''ინიციატივა კაცისგან უნდა წამოვიდეს! '' - მსჯელობს ქალების უმეტესობა და მერე უკვირთ, ურთიერთობები რომ არ გამოსდით. ვინ იცის, რამდენი კარგი ოჯახი არ შეიქმნებოდა, ქალებს რომ არ ეაქტიურათ.
ვინ დაწერა ურთიერთობის ეს ''სცენარი''? ვინ დაადგინა, რომ პირველ ''აქტში'' მოქმედება მამაკაცმა უნდა დაიწყოს?! და პირველი სიტყვაც მას ეკუთვნის?! იქნებ, მას ჯერ კიდევ არ შეუმჩნევიხარ, მამაკაცები ხომ უყურადღებოები არიან. მით უმეტეს, თუ ქალს თამამი ''მინი'' და დეკოლტე არ მოსავს. ასეთ თვალშისაცემ ჩაცმულობასაც სითამამე სჭირდება და ფაქტობრივად, ეს ნიშნავს მზადყოფნას ურთიერთობის დასაწყებად.
თავდაჯერებულობა, მოქმედების სიმსუბუქე და თავისუფლება, ძალდაუტანებლობა და ბუნებრივობა, ღიმილი და სიარულის ლამაზი მანერა, - აი, ის რასაც მამაკაცები ამჩნევენ. მერე ყველაფერი თქვენზეა დამოკიდებული. სითამამე დასაძრახი არ არის. სითამამე ფასდება!