32 წლის პედაგოგი კალიფორნიის შტატიდან, სამანტა ჩიოტა ბრალდებულია საკუთარი სკოლის 14 წლის მოზარდის გარყვნაში და მასთან სექსუალურ ურთიერთობაში. მათი ურთიერთობის შესახებ ინფორმაცია გავრცელდა მას შემდეგ, რაც მოზარდმა "Snapchat"–ში განათავსა ვიდეო, სადაც 14 წლის მოზარდის წინ პედაგოგი ტრუსისამარა დადის ოთახში და კამერის წინ სვამს ალკოჰოლურ სასმელს.
მოზარდის ერთერთმა კლასელმა ვიდეოს ნახვის მერე საკუთარ მშობლებს ანახა აღნიშნული ვიდეო, მოზარდის მშობლებმაც დაუყოვნებლივ მიმართეს ბავშვთა დაცვის სამსახურს. მოსწავლეების გამოკითხვით დადასტურდა, რომ ბევრმა იცოდა მათი კლასელისა და პედაგოგის სექსუალური ურთიერთობების შესახებ. ბავშვთა დაცვის სამსახურმა აღნიშნული ინფორმაცია გადასცა პოლიციის დეპარტამენტს, რადგან ასევე გაჩნდა ალბათობა იმისა, რომ სამანტას აღნიშნული მოზარდის გარდა სხვა მოზარდებთანაც ჰქონდა ინტიმური კავშირი.
გამოძიების ინფორმაციით, მასწავლებელმა 2015 წლიდან გამოავლინა დაინტერესება მოზარდის მიმართ. მოზარდს დედა გარდაეცვალა, ხოლო მამა იმყოფებოდა ციხეში, ბავშვზე მეურვეობა კი მისმა ნათესავმა აიღო თავის თავზე. პედაგოგის მზრუნველობა მოზარდის მიმართ აღიქვეს, როგორც მზრუნველობას მოკლებულ მოზარდზე ზრუნვა. მეურვე ხშირად ხედავდა მოზარდთან სამანტას, მაგრამ მის დამოკიდებულებაში მოზარდთან მიმართებაში საეჭვო არაფერი დაუნახავს.
სამანტას სახლის გაჩხრეკისას პოლიციამ აღმოაჩინა ჩანაწერი, სადაც სამანტა წერს მეუღლეს მომხდარის შესახებ და ბოდიშს უხდის მას ღალატის გამო, თუმცა წერილის მეუღლისათვის გადაცემა ვერ მოასწრო. სამანტას დაკავებისთანავე მისმა მეუღლემ განცხადება შეიტანა განქორწინებაზე და საკუთარ თავზე აიღო ორივე შვილზე მეურვეობა სასამართლოს განჩინებით.
სამანტა გირაოს სანაცვლოდ გაანთავისუფლეს, მაგრამ თუ მას დაუმტკიცდა აღნიშნული ქმედება მას ემუქრება 20 წლამდე თავისუფლების აღკვეთა.
სასამართლო გაიმართება 26 ოქტომბერს.