ჩვენ გარშემო, ალბათ, არ მოიძებნება ადამიანი რამის მაინც რომ არ ეშინოდეს, საგნებისა თუ მოვლენების მიმართ შიშის ან სიძულვილის გამოსახატავად ვიყენებთ სიტყვა "ფობიას", ზოგიერთი მათგანი უცნაურადაც შეიძლბა მოგეჩვენოთ.

მაგალითად, იცოდით, რომ ადამიანებს, თურმე, ნივრისაც ეშინიათ და ამას ალიუმფობია ჰქვია.

ზოგიერთ ჩვენგანს სიარულისაც კი ეშინია - ამბულოფობია - საინტერესოა, როგორ ახერხებენ ასეთები გადაადგილებას, მუდმივად ხომ არ ისხდებიან?!

როგორც ჩანს, ვიღაცებს ლამაზი ქლაებისაც ეშინიათ - ვენუსტრაფობია - მაინც ვის ან რატომ უნდა ეშინოდეს ლამაზი ქალების, შეუხედავ ქალებს, თუ ასეთივე მამაკაცებს?!

გსმენიათ ოქტოფობიის შესახებ? ეს არის შიში რიცხვი 8-ანის მიმართ, 13 რომ რაღაც მისტიკურად და საშიშად აღიქმება ეს მგონი აღარავის გვიკვირს, მაგრამ რატომ 8?

და ბოლოს, ზოგიერთებს, თურმე, ფობოფობიაც აქვთ, შიში - თვითონ ფობიების მიმართ, ალბათ, ეს ის ადამიანები არიან, რომლებსაც, მარტივად რომ ვთქვათ, უნდათ სუპერგმირები იყვნენ და ცხოვრებაში ვერაფერმა შეაშინოთ.