მარილის სიჭარბე ბევრი უსიამოვნების მიზეზი შეიძლება გახდეს. ზოგიერთი სიმპტომი ჩვენთვის ცნობილია, ზოგიერთი კი შესაძლოა უსიამოვნო სიურპრიზი აღმოჩნდეს.

1. თავს იჩენს გაღიზიანება

იმის გამო, რომ ბევრი მარილი გავლენას ახდენს ჩვენს ნერვულ სისტემაზე, თავს იჩენს გაღიზიანებადობა, ჩვენ ადვილად ვბრაზდებით. თუ შეამჩნიეთ, რომ ადვილად ღიზიანდებით, თანაც უმიზეზოდ, დაიწყეთ მარილის დოზის შემცირება.

2.სხეულის შეშუპება

ჭარბი მარილი ასევე უარყოფით გავლენას ახდენს თირკმელების მუშაობაზე, ირღვევა კალიუმის და ნატრიუმის ბალანსი.სხეული სითხეს აკავებს და ჩნდება შეშუპება.

3.გამუდმებით გწყურიათ

მარილის ჭარბად მოხმარების ერთერთი სიმპტომია გამუდმებული წყურვილის გრძნობა.პირის სიმშრალეც შესაძლოა თქვენს ორგანიზმში მარილის ჭარბ რაოდენობაზე მიუთითებდეს.

4.საჭმელი უმარილო გეჩვენებათ

მაშინაც კი, როცა სხვები გიმტკიცებენ, რომ კერძს მარილი არ აკლია, ხოლო თქვენ კი მაინც უმარილოდ გეჩვენებათ, ეს შესაძლოა იმაზე მიუთითებდეს, რომ თქვენ ბევრი მარილის მიღებას მიეჩვიეთ და ამის გამო მის ზომიერ გემოს ვეღარ აღიქვამთ.

5.გულისცემა გახშირებულია

მარილის ჭარბად მიღების შემდეგ სისხლში ნატრიუმის შემცველობა იზრდება, რაც სისხლის შესქელების და საბოლოო ჯამში კი მაღალი წნევის და გახშირებული გულისცემის მიზეზი შეიძლება გახდეს.

6.ხშირად სარგებლობთ ტუალეტით, განსაკუთრებით ღამით

ჰიპერნატრიემია ძლიერ წყურვილს იწვევს, თირკმელების მუშაობა ირღვევა და სწორედ ამის ბრალია, რომ ხშირედ გვიწევს ტუალეტში გასვლა, განსაკუთრებით კი ღამის საათებში.

7.კუნთების დისკომფორტი

ჭარბმა მარილმა შესაძლოა კუნთების ტკივილიც გამოიწვიოს. ნერვულ სისტემაზე ზემოქმედების შედეგად, კუნთებისთვის იმპულსის მიწოდება ირღვევა და ამის გამო დისკომფორტს ვგრძნობთ.